Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Félagsvísindi Félagsvísindi almennt Hvort eru fleiri karlar eða konur í heiminum?

Flokkun:

9.7.2002
Félagsvísindi Félagsvísindi almennt

Hvort eru fleiri karlar eða konur í heiminum?

Ulrika Andersson

Karlar eru aðeins fleiri eða 102 á móti 100 konum samkvæmt tölum frá Sameinuðu þjóðunum fyrir árið 2000. Það þýðir að um 50,49% mannkyns eru karlar. Ekki er ljóst hvers vegna svo er en yfirleitt fæðast fleiri drengir en stúlkur í heiminum en það er samt svolítið misjafnt eftir árum.

Kynjahlutfallið er einnig breytilegt eftir löndum. Í Lettlandi voru til dæmis 85 karlar á móti 100 konum árið 2001. Ef kynjahlutfallið er skoðað eftir aldri má sjá að eftir 65 ára aldur eru karlarnir í Lettlandi enn færri eða eingöngu 48 á móti 100 konum. Dæmið snýst alveg við ef litið er til Katar en þar lifa mun fleiri karlar en konur eða 192 karlar á móti 100 konum. Ástæðan fyrir þessu má sjálfsagt rekja til þess að stór hluti þjóðarinnar er útlent vinnuafl sem í miklum meirihluta eru karlar. Á Íslandi er hlutfallið 1:1 sem þýðir að hér eru jafnmargir karlar og konur.

Í Kína reyna stjórnvöld að stemma stigu við mannfjölgun og mega hjón eingöngu eignast 1 barn. Afleiðingin hefur orðið sú að kínverskir karlar eru mun fleiri en kínverskar konur. Ástæðan er sú að í Kína er ætlast til þess að synir sjái foreldrum sínum farborða þegar þau eru orðin öldruð. Drengir eru því eftirsóttari en stúlkur og ekki er óalgent að konur beri út stúlkubörn eða fari í fóstureyðingu ef þær ganga með stúlkur. Afleiðingin er sú að kynjahlutfallið er orðið skekkt og 116 karlar eru á móti 100 konum í Kína.

Kynjahlutfallið breytist með aldrinum og þannig eru konur yfirleitt hlutfallslega fleiri eftir 65 ára aldur vegna þess að konur lifa lengur en karlar eða 100 konur á móti 81 karli.

Svör um svipað efni

Heimildir

Sameinuðu þjóðirnar

CIA World Fact Book

Our stolen future

The Guardian

Myndina tók ljósmyndarinn Dan Heller

Höfundur

Ulrika Andersson

Ulrika Andersson

vísindablaðamaður

Útgáfudagur

9.7.2002

Spyrjandi

Jón Sverrisson

Efnisorð

Tilvísun

Ulrika Andersson. „Hvort eru fleiri karlar eða konur í heiminum?“ Vísindavefurinn, 9. júlí 2002, sótt 23. nóvember 2024, https://visindavefur.is/svar.php?id=2575.

Ulrika Andersson. (2002, 9. júlí). Hvort eru fleiri karlar eða konur í heiminum? Vísindavefurinn. https://visindavefur.is/svar.php?id=2575

Ulrika Andersson. „Hvort eru fleiri karlar eða konur í heiminum?“ Vísindavefurinn. 9. júl. 2002. Vefsíða. 23. nóv. 2024. <https://visindavefur.is/svar.php?id=2575>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvort eru fleiri karlar eða konur í heiminum?
Karlar eru aðeins fleiri eða 102 á móti 100 konum samkvæmt tölum frá Sameinuðu þjóðunum fyrir árið 2000. Það þýðir að um 50,49% mannkyns eru karlar. Ekki er ljóst hvers vegna svo er en yfirleitt fæðast fleiri drengir en stúlkur í heiminum en það er samt svolítið misjafnt eftir árum.

Kynjahlutfallið er einnig breytilegt eftir löndum. Í Lettlandi voru til dæmis 85 karlar á móti 100 konum árið 2001. Ef kynjahlutfallið er skoðað eftir aldri má sjá að eftir 65 ára aldur eru karlarnir í Lettlandi enn færri eða eingöngu 48 á móti 100 konum. Dæmið snýst alveg við ef litið er til Katar en þar lifa mun fleiri karlar en konur eða 192 karlar á móti 100 konum. Ástæðan fyrir þessu má sjálfsagt rekja til þess að stór hluti þjóðarinnar er útlent vinnuafl sem í miklum meirihluta eru karlar. Á Íslandi er hlutfallið 1:1 sem þýðir að hér eru jafnmargir karlar og konur.

Í Kína reyna stjórnvöld að stemma stigu við mannfjölgun og mega hjón eingöngu eignast 1 barn. Afleiðingin hefur orðið sú að kínverskir karlar eru mun fleiri en kínverskar konur. Ástæðan er sú að í Kína er ætlast til þess að synir sjái foreldrum sínum farborða þegar þau eru orðin öldruð. Drengir eru því eftirsóttari en stúlkur og ekki er óalgent að konur beri út stúlkubörn eða fari í fóstureyðingu ef þær ganga með stúlkur. Afleiðingin er sú að kynjahlutfallið er orðið skekkt og 116 karlar eru á móti 100 konum í Kína.

Kynjahlutfallið breytist með aldrinum og þannig eru konur yfirleitt hlutfallslega fleiri eftir 65 ára aldur vegna þess að konur lifa lengur en karlar eða 100 konur á móti 81 karli.

Svör um svipað efni

Heimildir

Sameinuðu þjóðirnar

CIA World Fact Book

Our stolen future

The Guardian

Myndina tók ljósmyndarinn Dan Heller

...