Hvert er bræðslumark demants?

Nafn þitt

Netfang þitt

Netfang móttakanda

Ruslpóstvörn =

Svar

Hvert er bræðslumark demants?
Demantur hefur hæsta bræðslumark allra þekktra efna, 3547°C. Það þýðir að við það hitastig og staðalþrýstingsskilyrði (1 bars þrýsting) umbreytist demantur úr föstu formi í vökvaform.

Demantur er annað tveggja meginforma kolefnis á föstu formi (C(s)). Hitt formið er grafít, sem hefur gjörólíka eiginleika, eins og frá er greint í svari við spurningunni Hvað er líkt og ólíkt með kolamola og demanti? hér á Vísindavefnum.

Auk þess að vera torbræddasta efni sem þekkt er, hefur demantur sérstöðu að mörgu öðru leyti. Demantur er harðastur allra efna sem þekkt eru í náttúrunni og hefur margfalt meiri varmaleiðni en önnur efni. Þá er frumeindum efnisins skipað þéttar saman í demanti en í nokkru öðru þekktu efni. Í demanti tengist sérhver frumeind efnisins, kolefnisatómin, fjórum öðrum frumeindum mjög sterkum böndum (efnatengjum) sem skýrir styrkleika efnisins. Þetta má sjá á myndinni hér að neðan.

Heimildir:

• Umfjöllun um demanta hjá Amethyst Galleries.
• Umfjöllun um efnatengi hjá Ask a scientist.
• F. A. Cotton, G. Wilkinson. Advanced inorganic chemistry: A comprehensice text. Wiley-Interscience, 1999.
• Hvað er líkt og ólíkt með kolamola og demanti? eftir EÖÞ.
• Hver er munurinn á náttúrulegum demanti og iðnaðardemanti? eftir Svein Ólafsson.

...