Vísindavefurinn: Getið þið sýnt mér myndir af öllum uglutegundum á Íslandi og þeim sem hafa komið hingað?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Hér á landi er staðfest að sést hafi alls fjórar tegundir ugla. Mögulegt er að sú fimmta hafi sést í fyrsta sinn á þessu ári, turnuglan. Reyndar á flækingsfuglanefnd eftir að samþykkja þennan nýjasta flæking en ógreinileg ljósmynd var tekin af fuglinum á Suðausturlandi. Uglur tilheyra ugluætt (Strigidae) og ættbálknum Strigiformes.

Varpfuglar

Branduglan (Asio flammeus) er varpfugl hér á landi og vafalaust eini reglulegi varpfuglinn af ugluætt hér á landi.

Brandugla (Asio flammeus)

Reglulegir flækingar

Snæuglan (Bubo scandiacus) hefur verpt hér en ekki er vitað hversu oft og hversu mörg pörin hafa verið. Sárafá hreiður hafa fundist eftir 1952 en varp var seinast staðfest á Vestfjörðum árið 2000. Hins vegar hafa snæuglur sést hér á hverju ári og er sennilega um að ræða flækinga frá Grænlandi.

Snæugla (Bubo scandiacus)

Eyruglan (Asio otus) hefur sést hér árlega sem flækingur síðan 1986 en í sumar fékkst í fyrsta sinn staðfesting á varpi hennar, það var í trjálundi í Grímsnesinu. Það á eftir að koma í ljós hvort hún verður reglulegur varpfugl á Íslandi.

Eyrugla (Asio otus)

Sjaldgæfur flækingur

Skopuglan (Otus scops) er mjög sjaldgæfur flækingur hér á landi. Hún er talin hafa sést hér fyrst árið 1945.

Skopugla (Otus scops)

Mögulegur flækingur

Síðast þegar höfundur vissi hafði það ekki verið að staðfesta að turnugla (Tyto alba) hafi verið hér á ferðinni í sumar, en sagt er frá því á vefsíðunni Stafræn fuglaljósmyndun.

Turnugla (Tyto alba)

Heimildir og myndir:

Bliki: tímarit um fugla. Dýrafræðideild Náttúrurufræðistofnunar Íslands. Reykjavík.
Á vef Stafrænnar fuglaljósmyndunar má nálgast umfjöllun, myndir og myndband af fugli sem hugsanlega er turnugla.
Þrír nýir varpfuglar á Íslandi á vef Náttúrufræðistofnunar Íslands.
Stockpix.com
Portland Bird Observatory
InterNatura

Senda grein til vinar

Sendu inn spurningu

Getið þið sýnt mér myndir af öllum uglutegundum á Íslandi og þeim sem hafa komið hingað?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Getið þið sýnt mér myndir af öllum uglutegundum á Íslandi og þeim sem hafa komið hingað?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar