Af hverju eru sniglar slímugir?

Nafn þitt

Netfang þitt

Netfang móttakanda

Ruslpóstvörn =

Svar

Af hverju eru sniglar slímugir?
Meginhlutverk slímsins (e. mucus) sem sniglar seyta frá sér, er að gera hreyfingar eða skrið þeirra auðveldara, koma í veg fyrir að fóturinn verði fyrir meiðslum og minnka mótstöðu þegar þeir skríða um jarðveginn.

Einnig hafa líffræðingar sem rannsakað hafa lífshætti snigla, komist að því að við óhentug skilyrði loka þeir sig af í kuðungnum og þétta opið með slíminu. Þetta gera þeir til að vökvatap verði sem minnst en sniglar eru afar viðkvæmir fyrir uppþornun. Slímkirtillinn er á fæti snigilsins framanverðum.

Vísindamenn hafa á undanförnum áhrifum fengið vaxandi áhuga á efnasamböndum sem finnast í slími snigla. Sykruprótínið achacin sem finnst í slíminu, getur drepið bakteríur.

Heimildir:

• Purchon, R.D. 1977. The Biology of the mollusca. 2. útg. Pergamon Press. Oxford
• Otsuka-Fuchino H, Watanabe Y, Hirakawa C, Tamiya T, Matsumoto JJ, Tsuchiya T. 1992. „Bactericidal action of a glycoprotein from the body surface mucus of giant African snail.“ Comp Biochem Physiol C. Apr;101(3): 607-13
• Ehara, T., Kitajima, S., Kanzawa, N., Tamiya, T., Tsuchiya, T. 2002. Antimicrobial action of achacin is mediated by _L-amino acid oxidase activity

Tengd svör á Vísindavefnum (einnig má smella á efnisorðin neðst í svarinu):

• Hvað getið þið sagt mér um snigla? eftir Jón Má Halldórsson
• Hver er munurinn á bakteríu og veiru? Eru sýklar og bakteríur það sama? eftir Evu Benediktsdóttur

...