Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Föstudagssvar Hver stal kökunni úr krúsinni í gær?

Flokkun:

16.1.2009
Vísindavefur Föstudagssvar

Hver stal kökunni úr krúsinni í gær?

Ritstjórn Vísindavefsins

Kökurannsóknardeild Vísindavefsins fékk nafnlausa ábendingu um að köku hefði verið stolið úr krús í gær! Málið er grafalvarlegt og okkar fyrstu viðbrögð eru þau að setja á laggirnar rannsóknarnefnd. Nefndin er skipuð til þriggja ára og í henni sitja valinkunnir bakarameistararar. Forseti nefndarinnar er Hérastubbur bakari. Nefndin hefur þrjú meginhlutverk. Henni er ætlað að:
  • Skrifa 30.000 síðna skýrslu í fjórum meginköflum, um hefun gerdeigs, um loftbólur í kökudeigi, um útþenslu piparkökunnar á heitri bökunarplötu og um piparkökuhúsið sem varð að engu. Talið er að skýrslan eigi eftir baka ýmsum mikil vandræði.
  • Gefa út matreiðslubók með 17 nýjum smákökuuppskriftum sem nýtist öllum heimilum í landinu. Uppskriftabókin á að heita Hvítkökubók og í henni verða engar súkkulaðikökuuppskriftir!
  • Ef ánægja verður með bókina er ætlunin að gefa út viðauka. Í honum verður kennt hvernig hægt er að elda kryddsíld með sjónvarpsköplum.

Auk þess hyggst nefndin útdeila lambhúshettum inn á hvert heimili til að koma í veg fyrir það að kökustuldurinn verði persónugerður. Jafnframt þessu er fyrirsjáanlegt að nefndin hljóti að rannsaka hugsanlegan andlegan skyldleika með þeim sem ganga með lambhúshettur og hinum sem vilja ekki að menn segi af sér þegar þeim verða á alvarleg mistök í starfi.

Rannsóknarnefndin að störfum. Hérastubbur er lengst til hægri á myndinni.

Heyrst hefur að að bakaranefndin muni leggja til að allir leikskólar landsins, með manni og mús, verði seldir erlendum kröfuhöfum. Ýmislegt bendir nefnilega til þess að innræting illrar hugmyndafræði hefjist strax á unga aldri í leikskólum með leiknum "Hver stal kökunni úr krúsinni í gær?" Í þeim háskalega leik er barninu kennt að ekki skuli axla ábyrgð heldur benda einfaldlega á næsta mann. Með aðkomu erlendra kröfuhafa frá Cayman-eyjum og Tortóla er vafalaust hægt að spyrna gegn ósómanum og nýrri þjóðfélagsskipan verður komið á, -- þjóðfélagsskipan þar sem ekkert er persónugert og allir ganga um með lambhúshettur.

Miklar líkur eru til þess að kökuleikurinn verði þá aflagður í leikskólum og horfa menn björtum augum til nýrra leikja handa nýjum leikskólabörnum. Burt með gömlu skaðlegu leikina og inn með nýja frjálsa tíma! Hér eru til dæmis nokkrir leikir sem börn nýrra tíma munu leika:
  • Fellum krónuna! -- í staðin fyrir gamla leikinn fallin spýta.
  • Yfirverð -- í staðinn fyrir gamla leikinn yfir.
  • Magga malar gull -- í staðinn fyrir úllen dúllen doff.
  • Lánalínuskautar -- í staðinn fyrir gömlu línuskautana.
  • Verðbólgubrenna -- í staðinn fyrir gamla leikinn brennó.
  • Mistakaleikurinn -- hver getur búið til stærst mistök úr keðju með 5 hlekkjum.

Mynd:

Athugið að þetta er föstudagssvar og Vísindavefurinn axlar þess vegna enga ábyrgð á því sem hér kemur fram!

Höfundur

Ritstjórn Vísindavefsins

Ritstjórn Vísindavefsins

Útgáfudagur

16.1.2009

Síðast uppfært

13.5.2020

Spyrjandi

Alexander Briem, f. 1990

Efnisorð

Tilvísun

Ritstjórn Vísindavefsins. „Hver stal kökunni úr krúsinni í gær?“ Vísindavefurinn, 16. janúar 2009, sótt 21. nóvember 2024, https://visindavefur.is/svar.php?id=9527.

Ritstjórn Vísindavefsins. (2009, 16. janúar). Hver stal kökunni úr krúsinni í gær? Vísindavefurinn. https://visindavefur.is/svar.php?id=9527

Ritstjórn Vísindavefsins. „Hver stal kökunni úr krúsinni í gær?“ Vísindavefurinn. 16. jan. 2009. Vefsíða. 21. nóv. 2024. <https://visindavefur.is/svar.php?id=9527>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hver stal kökunni úr krúsinni í gær?
Kökurannsóknardeild Vísindavefsins fékk nafnlausa ábendingu um að köku hefði verið stolið úr krús í gær! Málið er grafalvarlegt og okkar fyrstu viðbrögð eru þau að setja á laggirnar rannsóknarnefnd. Nefndin er skipuð til þriggja ára og í henni sitja valinkunnir bakarameistararar. Forseti nefndarinnar er Hérastubbur bakari. Nefndin hefur þrjú meginhlutverk. Henni er ætlað að:

  • Skrifa 30.000 síðna skýrslu í fjórum meginköflum, um hefun gerdeigs, um loftbólur í kökudeigi, um útþenslu piparkökunnar á heitri bökunarplötu og um piparkökuhúsið sem varð að engu. Talið er að skýrslan eigi eftir baka ýmsum mikil vandræði.
  • Gefa út matreiðslubók með 17 nýjum smákökuuppskriftum sem nýtist öllum heimilum í landinu. Uppskriftabókin á að heita Hvítkökubók og í henni verða engar súkkulaðikökuuppskriftir!
  • Ef ánægja verður með bókina er ætlunin að gefa út viðauka. Í honum verður kennt hvernig hægt er að elda kryddsíld með sjónvarpsköplum.

Auk þess hyggst nefndin útdeila lambhúshettum inn á hvert heimili til að koma í veg fyrir það að kökustuldurinn verði persónugerður. Jafnframt þessu er fyrirsjáanlegt að nefndin hljóti að rannsaka hugsanlegan andlegan skyldleika með þeim sem ganga með lambhúshettur og hinum sem vilja ekki að menn segi af sér þegar þeim verða á alvarleg mistök í starfi.

Rannsóknarnefndin að störfum. Hérastubbur er lengst til hægri á myndinni.

Heyrst hefur að að bakaranefndin muni leggja til að allir leikskólar landsins, með manni og mús, verði seldir erlendum kröfuhöfum. Ýmislegt bendir nefnilega til þess að innræting illrar hugmyndafræði hefjist strax á unga aldri í leikskólum með leiknum "Hver stal kökunni úr krúsinni í gær?" Í þeim háskalega leik er barninu kennt að ekki skuli axla ábyrgð heldur benda einfaldlega á næsta mann. Með aðkomu erlendra kröfuhafa frá Cayman-eyjum og Tortóla er vafalaust hægt að spyrna gegn ósómanum og nýrri þjóðfélagsskipan verður komið á, -- þjóðfélagsskipan þar sem ekkert er persónugert og allir ganga um með lambhúshettur.

Miklar líkur eru til þess að kökuleikurinn verði þá aflagður í leikskólum og horfa menn björtum augum til nýrra leikja handa nýjum leikskólabörnum. Burt með gömlu skaðlegu leikina og inn með nýja frjálsa tíma! Hér eru til dæmis nokkrir leikir sem börn nýrra tíma munu leika:
  • Fellum krónuna! -- í staðin fyrir gamla leikinn fallin spýta.
  • Yfirverð -- í staðinn fyrir gamla leikinn yfir.
  • Magga malar gull -- í staðinn fyrir úllen dúllen doff.
  • Lánalínuskautar -- í staðinn fyrir gömlu línuskautana.
  • Verðbólgubrenna -- í staðinn fyrir gamla leikinn brennó.
  • Mistakaleikurinn -- hver getur búið til stærst mistök úr keðju með 5 hlekkjum.

Mynd:

Athugið að þetta er föstudagssvar og Vísindavefurinn axlar þess vegna enga ábyrgð á því sem hér kemur fram!...