Hvers vegna segja menn suður þegar farið er til Reykjavíkur, þó menn búi í raun fyrir sunnan Reykjavík?

Nafn þitt

Netfang þitt

Netfang móttakanda

Ruslpóstvörn =

Svar

Hvers vegna segja menn suður þegar farið er til Reykjavíkur, þó menn búi í raun fyrir sunnan Reykjavík?
Í heild hljóðaði spurningin svona:

Hvers vegna segja menn suður þegar er farið til Reykjavíkur, þó þau búi í raun og veru sunnar en Reykjavík?

Ég hef heyrt Suðurnesjamenn, Gaflara og Selfyssinga segjast „ætla suður“ til Reykjavíkur þó þessi bæjarstæði liggja öll landfræðilega sunnar en Reykjavík.

Áttatáknanir með staðarheitum eru mjög á reiki og hef ég ekki trekist á neina samantekt um þær. Vinkona mín búsett í Hafnarfirði um áratuga skeið og gift „Gaflara“ sendi mér þetta: „Maður segir oftast fara/skreppa/skjótast í Reykjavík o.s.frv. en líka leiðin til Reykjavíkur o.s.frv. Aldrei „suður til Reykjavíkur“ og sjaldan (helst ekki) „inn í Reykjavík“.

Íbúi í Garðinum sagði mér að þar væri sagt „fara inn eftir“ þegar átt væri við að fara til Reykjavíkur eða „inn til Reykjavíkur“. Ættingjar mínir á Akranesi ætluðu fyrir áratugum „suður“ þegar fara átti til Reykjavíkur, til dæmis „Ég þarf að fara suður á morgun“ og fór þá ekki milli mála hvert þeir ætluðu. Hvergerðingur til margra ára sagðist hafa heyrt eldra fólk tala um að „fara suður til Reykjavíkur“ en það heyrðist ekki lengur. Góð dæmi væru vel þegin.

Mynd:

• Náttúrufræðistofnun - Kortasjá. (Sótt 24.10.2024).

...