Vísindavefurinn: Nýtt útlit á Vísindavef HÍ

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Nýtt útlit var tekið í notkun á Vísindavef HÍ þann 8. júlí 2024. Útlitið er hannað af fyrirtækinu Jökulá sem sér um hönnun á vefjum Háskóla Íslands. Útlitsbreytingin er liður í að samræma betur ýmsa vefi HÍ og gefa þeim notendavænan heildarsvip. Geirlaugur Kristjánsson viðmótshönnuður sá um að útfæra væntanlegt útlit aðalvefs HÍ að Vísindavefnum og Julian Ehrenstrasser hafði umsjón með allri þeirri forritunarvinnu sem tengist útliti.

Ýmsar breytingar sem nú eru gerðar á Vísindavefnum eiga að tryggja enn frekar aðgengi sem flestra að því efni sem þar er að finna um vísindi og fræði. Í því sambandi má nefna að vefurinn styðst nú við leturgerðina Atkinson Hyperlegible, en hún er sérhönnuð af Braille-stofnuninni í Bandaríkjunum í því augnamiði að gagnast sjónskertum vel. Einnig er nú tekin í notkun svonefnd brauðmolaslóð á Vísindavefnum sem gefur notendum kost á að hafa betri yfirsýn yfir staðsetningu sína á vefnum og einfalda fyrir þeim að rekja sig eftir fróðleiknum sem í boði er.

Hér sést skjáskot af eldra útliti Vísindavefsins en nýtt útlit var tekið í notkun 8. júlí 2024.

Að lokum er vert að nefna að nú er betur tryggt en áður að dagsetning svara komi sem víðast og skýrast fram og einnig birtast upplýsingar um það hvenær svari var síðast breytt. Þannig eiga notendur auðveldara með að átta sig á því hversu nýlegar upplýsingarnar eru. Í sumum tilvikum getur það skipt máli, til dæmis í fræðum þar sem þekkingunni fleygir fljótt fram, en í öðrum tilvikum eru þessar upplýsingar ekki eins mikilvægar, til að mynda í umfjöllun um helstu lögmál vísindanna, svo dæmi sé nefnt. Í þessum efnum treystir Vísindavefurinn að sjálfsögðu á skynsemi lesenda og hvetur alla til að temja sér heimildarýni og gagnrýna hugsun, sem segja má að saman séu eitt helsta markmið þeirrar vísindamiðlunar sem fræðasamfélagið kemur á framfæri á Vísindavefnum.

Samhliða nýju útliti var forritunarumhverfi vefsins tekið í gegn, meðal annars var allur tölvukóði uppfærður í nýjustu útgáfu forritunarmálsins PHP og öryggi gagna enn betur tryggt en áður. Enn fremur voru margvíslegar endurbætur gerðar á sérhönnuðu ritstjórnarkerfi Vísindavefsins.

Við vonum að lesendur Vísindavefsins taki breytingunum vel og þiggjum gjarnan ábendingar um það sem betur mætti fara.

Myndir:

Vísindavefurinn.
HÍ hækkar á lista þeirra háskóla sem hafa mest samfélagsáhrif. (Sótt 9.07.2024).

Senda grein til vinar

Sendu inn spurningu

Nýtt útlit á Vísindavef HÍ

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Nýtt útlit á Vísindavef HÍ

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar