Er hægt að gera eitthvað til að losna við of mikið B12-vítamín í líkamanum?

Nafn þitt

Netfang þitt

Netfang móttakanda

Ruslpóstvörn =

Svar

Er hægt að gera eitthvað til að losna við of mikið B12-vítamín í líkamanum?
Vítamín eru lífræn efni sem menn og önnur dýr þarfnast í litlum mæli. Helsta hlutverk þeirra er að taka þátt í stjórnun efnaskipta í líkamanum. Vítamín myndast ekki í líkamanum, nema D-vítamín, og þess vegna þurfum við að innbyrða þau. Yfirleitt fáum við vítamín úr fæðu.

Ekki er vitað til þess að of mikið af B₁₂-vítamíni hafi slæm áhrif á líkamsstarfsemi en hins vegar er vel þekkt að skortur á B₁₂-vítamíni getur haft alvarlegar afleiðingar í för með sér. Hægt er að lesa meira B₁₂-vítamín í fróðlegu svari við spurningunni Hvaða einkenni fylgja skorti á B-12 vítamíni?

Í raun er eina leiðin til þess að minnka B₁₂ í líkamanum sú að sneiða hjá þeim bætiefnum og fæðutegundum sem innihalda vítamínið. Þar sem lifrin geymir birgðir af B₁₂ til nokkurra ára getur langur tími liðið þar til styrkur þess í líkamanum dvínar verulega. Þegar það gerist er hins vegar hætta á B₁₂-vítamínskorti. Hann getur haft í för með sér blóðleysi, hrörnun úttaugakerfis sem á endanum getur leitt til lömunar. Þess vegna ráðleggjum við engum að reyna að minnka B₁₂ í líkamanum nema í samráði við lækni eða annað heilbrigðisstarfsfólk.

Heimild:

• Vitamin B12 - Dietary Reference Intakes for Thiamin, Riboflavin, Niacin, Vitamin B6, Folate, Vitamin B12, Pantothenic Acid, Biotin, and Choline - NCBI Bookshelf. (Sótt 4.06.2024).

Mynd:

• Myndina tók Kevan og hún er birt undir leyfinu CC BY 2.0 Deed.

...