Hvers konar dýr eru flugfiskar og geta þeir í raun flogið?

Nafn þitt

Netfang þitt

Netfang móttakanda

Ruslpóstvörn =

Svar

Hvers konar dýr eru flugfiskar og geta þeir í raun flogið?
Eiginlegir flugfiskar eru fiskar af ættkvíslinni Exocoetus. Um er að ræða fimm tegundir sem eiga heimkynni sín í Suðurhöfum. Tegundirnar heita:

• Exocoetus gibbosus - úthafsflugfiskurinn
• Exocoetus monocirrhus – barbel-flugfiskurinn
• Exocoetus obtusirostris - tvívængjaði úthafsflugfiskurinn
• Exocoetus volitans - tvívængjaði hitabeltisflugfiskurinn
• Exocoetus peruvianus - perú-flugfiskurinn

Ástæðan fyrir nafngiftinni er tvíþætt, annars vegar hafa fiskarnir ummyndaða eyrugga sem líkjast vængjum og hins vegar er atferli þeirra sérstakt. Flugfiskar nýta nefnilega mikinn kraft sinn til að stökkva upp úr sjónum og geta þá svifið nokkra metra með hjálp ummynduðu ugganna. Stundum blaka þeir uggunum til að svífa lengra. Þeir geta hins vegar ekki ekki flogið í þeim skilningi að þeir taki sig á loft og hafi fullkomna stjórn á fluginu.

Talið er líklegt að þetta flugatferli sé aðlögun til að vinna gegn afráni hraðsyndra ránfiska eins og túnfiska, sverðfiska og makríla. En flugið gerir þá líka berskjaldaðri fyrir óvinum úr lofti sem eru helst freigátufuglar sem gegna svipaðri stöðu í vistkerfi Suðurhafanna og hafsúlan hér á norðurhjaranum.

Mynd:

• 08-02-2018 Flying Fish Baja CA Norte MX 2L5A9476 - Flickr. Höfundur myndar jacksnipe1990. Birt undir CC BY-NC-ND 2.0 DEED leyfi. (Sótt 22.3.2024).

Upprunalega spurningin hljóðaði svona:

Hverslags dýr eru flugfiskar og geta þeir, sbr. nafngiftina, flogið?

...