Sæl, varðandi eftirlitsmyndavél sem nágranni minn setti upp og mér sýnist beint m.a. að garðinum og húsinu mínu. Þannig háttar að hans hús er mun ofar en mitt og upplifi ég óþægindi. Hvað get ég gert til að þetta sé athugað?Á vef Persónuverndar er sérstök upplýsingasíða um eftirlitsmyndavélar þar sem fjölmörgum spurningum um notkun slíkra tækja er svarað. Þar kemur meðal annars fram að einstaklingar mega nýta eftirlitsmyndavélar til að fylgjast með eigin lóðum og húseignum. Þeir þurfa þó að passa að sjónsvið vélanna beinist ekki að lóðum annarra, sameignum eða svæðum sem tilheyra almannarými. Einfaldast fyrir þá sem telja að eftirlitsmyndavélar annarra beinist að sínum lóðum eða húsum, er að láta eigendur vélanna vita af því. Vel getur verið að eigendur vélanna viti ekki hvaða lög og reglur gilda um notkun eftirlitsmyndavéla og þá er hægur vandi að benda þeim á upplýsingasíðu Persónuverndar. Annað úrræði er að senda inn rökstudda kvörtun til Persónuverndar á sérstöku eyðublaði sem hægt er að nálgast hér. Afgreiðslutími kvartana er hins vegar nokkuð langur eða allt að 18 mánuðir. Við bendum lesendum sem vilja fræðast meira um notkun eftirlitsmyndavéla á greinargóða upplýsingasíðu Persónuverndar um málið. Mynd:
- SimpliSafe Wireless Outdoor Security Camera Review: Outdoor protection. (Sótt 14.05.2024). Myndin er birt undir leyfinu CC BY-NC-ND 4.0 Deed.