Er hættulegt að gefa garðfuglum rúsínur?

Nafn þitt

Netfang þitt

Netfang móttakanda

Ruslpóstvörn =

Svar

Er hættulegt að gefa garðfuglum rúsínur?
Þau sem hafa fóðrað garðfugla svo sem svartþresti (Turdus merula) og skógarþresti (Turdus iliacus) á rúsínum hafa tekið eftir því hversu hrifnir þeir eru af þessum þurrkuðu vínberjum. Rúsínur eru á engan hátt skaðlegar fyrir fugla og því er í lagi að fóðra þá á þeim.

Á vef Fuglaverndar er ágætis umfjöllun um fóðrun garðfugla. Þar segir meðal annars um ávexti og ber:

Margar fuglategundir eru sólgnar í ávexti. Epli, perur, melónur, banana, vínber, rúsínur og margar fleiri tegundir er hægt að gefa fuglum, um að gera að prófa sig áfram. Mælt er með að leggja þurrkaða ávexti í bleyti vor og sumar.

Ekki er mælt með að gefa lárperur (avókadó), þar sem rannsóknir hafa sýnt það sem dánarorsök búrfugla.

Það er óhætt fyrir flest dýr að éta rúsínur en hundar eru undantekning. Rúsínur og vínber haft óæskileg áhrif á líkamsstarfsemi þeirra, meðal annars getur virkni nýrna skaðast á rúsínuáti, og því ætti alls ekki að fóðra hunda á slíku góðgæti.

Mynd:

• Silkitoppa - Bohemian Waxwing - Bombycilla garrulus | Flickr. Höfundur myndar: Örn Óskarsson. Birt með góðfúslegu leyfi. (Sótt 7.4.2021).

...