Hvernig beygjast raðtölur?

Nafn þitt

Netfang þitt

Netfang móttakanda

Ruslpóstvörn =

Svar

Hvernig beygjast raðtölur?
Hægt er að setja fram nokkrar reglur um endingar raðtalna.^[1]

Raðtöluendingar koma ýmist á eina/aftasta lið tölu eða á báða / tvo síðustu liðina.

4. fjórði
44. fertugasti og fjórði
444. fjögurhundruð fertugasti og fjórði
4.440. fjögurþúsund fjögurhundruð og fertugasti
4.444. fjögurþúsund fjögurhundruð fertugasti og fjórði
44.444. fjörutíu og fjögurþúsund fjögurhundruð fertugasti og fjórði

Raðtölur frá 1. (fyrsta) og upp í 119. (hundraðasta og nítjánda) beygjast til fulls og er enginn liður raðtölunnar hafður óbeygður:

9. níundi
19. nítjándi
90. nítugasti
99. nítugasti og níundi
100. hundraðasti
109. hundraðasti og níundi
110. hundraðasti og tíundi
119. hundraðasti og nítjándi

Ef hærri tölur en 119. enda á tug, öðrum en 10., er það eini liður tölunnar sem fær raðtöluendingu:

120. hundrað og tuttugasti
1530. eittþúsund fimmhundruð og þrítugasti
2070. tvöþúsund og sjötugasti

Ef tugatalan endar á 10. beygjast tveir síðustu liðirnir:

4510. fjögurþúsund fimmhundruðasti og tíundi

Fleiri dæmi, til glöggvunar:

267. tvöhundruð sextugasti og sjöundi
700. sjöhundruðasti
707. sjöhundruðasti og sjöundi
717. sjöhundruðasti og sautjándi
777. sjöhundruð sjötugasti og sjöundi
3019. þrjúþúsundasti og nítjándi
5315. fimmþúsund þrjúhundruðasti og fimmtándi
6471. sexþúsund fjögurhundruð sjötugasti og fyrsti
7.000. sjöþúsundasti
7.007. sjöþúsundasti og sjöundi
7.017. sjöþúsundasti og sautjándi
7.777. sjöþúsund sjöhundruð sjötugasti og sjöundi

Tilvísun:

1. ^ Sjá Handbók um íslensku 2011, bls. 245–246 og Ara Pál Kristinsson 1995. Hvenær á að beygja raðtölur? Tungutak. Vettvangur umræðna um málfar 82:2.

Mynd:

• New Years Eve 2015 Year'S - Free photo on Pixabay. (Sótt 17.12.2020).

---

Þennan pistil er einnig að finna í Málfarsbankanum á vef Stofnunar Árna Magnússonar í íslenskum fræðum....