Geta börn gert samninga og t.d. tekið lán á Netinu?

Nafn þitt

Netfang þitt

Netfang móttakanda

Ruslpóstvörn =

Svar

Geta börn gert samninga og t.d. tekið lán á Netinu?
Hér er einnig að finna svar við spurningunni:

Hvað þarf maður að vera gamall til þess að gera munnlegan samning?

Í svari við spurningunni Er hægt gera barn ábyrgt fyrir myndbandsspólu sem ekki er skilað á réttum tíma? er farið yfir þetta álitaefni.

Í stuttu máli er ekkert sem bannar ólögráða einstaklingum, hvort sem ólögræðið er til komið vegna æsku eða sjálfræðissviptingar, að gera samninga. Börn gera til að mynda samninga daglega þegar þau að versla mat og hvers kyns þjónustu. Hins vegar getur verið erfitt að krefjast efnda slíkra samninga ef sá ólögráða stendur ekki í skilum. Þá breytir litlu hvort samningar séu munnlegir eða skriflegir, enda formfrelsi samninga ein grundvallarregla íslensks samningaréttar.

Einstaklingar verða lögráða við 18 ára aldur en geta verið sviptir lögræðinu á grundvelli 4. greinar lögræðislaga. Í VII. kafla lögræðislaga kemur fram sú almenna regla að löggerningar ólögráða manns bindi hann ekki. Þess vegna er ómögulegt fyrir þann sem byggir rétt sinn á samning við ólögráða mann að fá kröfuna viðurkennda fyrir dómstólum eða stjórnvöldum. Af því leiðir að flestir þeir samningar sem börn gangast í án aðstoðar forráðamanns krefjast staðgreiðslu.

Mynd:

• Zeeko. (Sótt 29.10.2020). Birt undir CC-BY SA leyfinu.

...