Sólin Sólin Rís 06:38 • sest 20:26 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 09:52 • Síðdegis: 22:19 í Reykjavík
Fjaran Fjara Árdegis: 03:41 • Síðdegis: 15:55 í Reykjavík
Sólin Sólin Rís 06:38 • sest 20:26 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 09:52 • Síðdegis: 22:19 í Reykjavík
Fjaran Fjara Árdegis: 03:41 • Síðdegis: 15:55 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Hugvísindi Bókmenntir og listir Hvað merkir Ging gang gúllí gúllí sem skátar syngja oft?

Flokkun:

20.5.2019
Hugvísindi Bókmenntir og listir

Hvað merkir Ging gang gúllí gúllí sem skátar syngja oft?

Una Margrét Jónsdóttir

Spurningin hljóðaði upprunalega svona:

Hvað merkir Gingan gúllígúllí, gúllígúllí vass vass?!?

Söngurinn „Ging gang gúllí gúllí“ er ekki á raunverulegu tungumáli og merkir ekki neitt. Hann hefur lengi verið vinsæll í skátahreyfingunni, bæði hérlendis og erlendis, og fram hefur komið kenning um það að stofnandi alþjóðlegu skátahreyfingarinnar, Robert Baden-Powell, hafi samið sönginn fyrir fyrsta alþjóðamót skáta (Jamboree) í Vestur-Kensington 1920.[1] Baden-Powell hafi haft textann á bullmáli svo að allir skátarnir gætu sungið hann, hverrar þjóðar sem þeir væru, en lagið hafi hann byggt á upphafi sinfóníu nr. 1 í Es-dúr eftir Wolfgang Amadeus Mozart, verki sem Mozart samdi þegar hann var aðeins 8 ára gamall.

Fram hefur komið kenning um það að Robert Baden-Powell hafi samið sönginn fyrir fyrsta alþjóðamót skáta árið 1920. Sú kenning stenst ekki. Á myndinn sést Baden-Powell á skátamótinu í Jamboree.

Engar öruggar heimildir eru hins vegar fyrir þessari kenningu, enda er ljóst að hún getur ekki staðist því söngurinn kom fram árið 1905 í nýársrevíunni „Fru Lundins inackorderingar“ í Gautaborg í Svíþjóð. Höfundur revíunnar var Axel Engdahl og í leikskránni birtist textinn og lagið, hvort tveggja mjög svipað því sem við þekkjum. Í revíunni hét söngurinn „The Niggers´ Morning-Song“ og textinn var svohljóðandi:

:Hinkan, kolikolikolikolifejsan.
Kinkan koh, kinkan koh:
:Ava, illa shava,
O illa shava
Kolifejs:
Tjolafalla, tjolafalla![2]

Á ljósmynd í leikskránni má sjá að ein leikkonan sem flutti sönginn var svert í framan svo að hún líktist blökkukonu. Persónan sem hún lék hét Hiaswintha prinsessa og líklegt að söngurinn hafi átt að vera á ímynduðu móðurmáli prinsessunnar.

Söngurinn kom fram árið 1905 í nýársrevíunni „Fru Lundins inackorderingar“ eftir Axel Engdahl. Þar hét hann „The Niggers´ Morning-Song“ og er líklegt að söngurinn hafi átt að vera á ímynduðu móðurmáli Hiaswinthu prinsessu.

Talið er að söngurinn hafi orðið vinsæll hjá skátum á Norðurlöndum og borist þaðan til skáta út um allan heim um miðja 20. öld.[3] Hvað fyrri kenninguna um uppruna söngsins varðar þá er það reyndar rétt að fyrsta hendingin í laginu líkist mjög upphafshendingunni í 1. sinfóníu Mozarts.[4] Ekki er vitað hvort það var með ráðum gert eða tilviljun.

Tilvísanir:
  1. ^ St Margarets. Shally Wally, Shally Wally, Shally Wally etc etc.... (Sótt 13.5.2019).
  2. ^ Libris. Fru Lundins inackorderingar eller den nyaste kinematagrafen: Folkteaterns nyårsrevy 1905. (Sótt 13.5.2019)
  3. ^ Wikipedia. Ging Gang Goolie. (Sótt 13.5.2019).
  4. ^ Wikipedia. Symphony No. 1 (Mozart). (Sótt 14.5.2019).

Mynd:

Höfundur

Una Margrét Jónsdóttir

Una Margrét Jónsdóttir

dagskrárgerðarmaður á Rás 1

Útgáfudagur

20.5.2019

Spyrjandi

Örn Ó.

Efnisorð

Tilvísun

Una Margrét Jónsdóttir. „Hvað merkir Ging gang gúllí gúllí sem skátar syngja oft?“ Vísindavefurinn, 20. maí 2019, sótt 3. apríl 2025, https://visindavefur.is/svar.php?id=77498.

Una Margrét Jónsdóttir. (2019, 20. maí). Hvað merkir Ging gang gúllí gúllí sem skátar syngja oft? Vísindavefurinn. https://visindavefur.is/svar.php?id=77498

Una Margrét Jónsdóttir. „Hvað merkir Ging gang gúllí gúllí sem skátar syngja oft?“ Vísindavefurinn. 20. maí. 2019. Vefsíða. 3. apr. 2025. <https://visindavefur.is/svar.php?id=77498>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Hvað merkir Ging gang gúllí gúllí sem skátar syngja oft?
Spurningin hljóðaði upprunalega svona:

Hvað merkir Gingan gúllígúllí, gúllígúllí vass vass?!?

Söngurinn „Ging gang gúllí gúllí“ er ekki á raunverulegu tungumáli og merkir ekki neitt. Hann hefur lengi verið vinsæll í skátahreyfingunni, bæði hérlendis og erlendis, og fram hefur komið kenning um það að stofnandi alþjóðlegu skátahreyfingarinnar, Robert Baden-Powell, hafi samið sönginn fyrir fyrsta alþjóðamót skáta (Jamboree) í Vestur-Kensington 1920.[1] Baden-Powell hafi haft textann á bullmáli svo að allir skátarnir gætu sungið hann, hverrar þjóðar sem þeir væru, en lagið hafi hann byggt á upphafi sinfóníu nr. 1 í Es-dúr eftir Wolfgang Amadeus Mozart, verki sem Mozart samdi þegar hann var aðeins 8 ára gamall.

Fram hefur komið kenning um það að Robert Baden-Powell hafi samið sönginn fyrir fyrsta alþjóðamót skáta árið 1920. Sú kenning stenst ekki. Á myndinn sést Baden-Powell á skátamótinu í Jamboree.

Engar öruggar heimildir eru hins vegar fyrir þessari kenningu, enda er ljóst að hún getur ekki staðist því söngurinn kom fram árið 1905 í nýársrevíunni „Fru Lundins inackorderingar“ í Gautaborg í Svíþjóð. Höfundur revíunnar var Axel Engdahl og í leikskránni birtist textinn og lagið, hvort tveggja mjög svipað því sem við þekkjum. Í revíunni hét söngurinn „The Niggers´ Morning-Song“ og textinn var svohljóðandi:

:Hinkan, kolikolikolikolifejsan.
Kinkan koh, kinkan koh:
:Ava, illa shava,
O illa shava
Kolifejs:
Tjolafalla, tjolafalla![2]

Á ljósmynd í leikskránni má sjá að ein leikkonan sem flutti sönginn var svert í framan svo að hún líktist blökkukonu. Persónan sem hún lék hét Hiaswintha prinsessa og líklegt að söngurinn hafi átt að vera á ímynduðu móðurmáli prinsessunnar.

Söngurinn kom fram árið 1905 í nýársrevíunni „Fru Lundins inackorderingar“ eftir Axel Engdahl. Þar hét hann „The Niggers´ Morning-Song“ og er líklegt að söngurinn hafi átt að vera á ímynduðu móðurmáli Hiaswinthu prinsessu.

Talið er að söngurinn hafi orðið vinsæll hjá skátum á Norðurlöndum og borist þaðan til skáta út um allan heim um miðja 20. öld.[3] Hvað fyrri kenninguna um uppruna söngsins varðar þá er það reyndar rétt að fyrsta hendingin í laginu líkist mjög upphafshendingunni í 1. sinfóníu Mozarts.[4] Ekki er vitað hvort það var með ráðum gert eða tilviljun.

Tilvísanir:
  1. ^ St Margarets. Shally Wally, Shally Wally, Shally Wally etc etc.... (Sótt 13.5.2019).
  2. ^ Libris. Fru Lundins inackorderingar eller den nyaste kinematagrafen: Folkteaterns nyårsrevy 1905. (Sótt 13.5.2019)
  3. ^ Wikipedia. Ging Gang Goolie. (Sótt 13.5.2019).
  4. ^ Wikipedia. Symphony No. 1 (Mozart). (Sótt 14.5.2019).

Mynd:

...