Sólin Sólin Rís 06:45 • sest 20:20 í Reykjavík
Tunglið Tunglið Rís 06:12 • Sest 01:17 í Reykjavík
Flóð Flóð Árdegis: 08:13 • Síðdegis: 20:35 í Reykjavík
Fjaran Fjara Árdegis: 02:06 • Síðdegis: 14:23 í Reykjavík
Sólin Sólin Rís 06:45 • sest 20:20 í Reykjavík
Tunglið Tunglið Rís 06:12 • Sest 01:17 í Reykjavík
Flóð Flóð Árdegis: 08:13 • Síðdegis: 20:35 í Reykjavík
Fjaran Fjara Árdegis: 02:06 • Síðdegis: 14:23 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Dagatal íslenskra vísindamanna Hvað hefur vísindamaðurinn Guðrún Þórhallsdóttir rannsakað?

Flokkun:

28.12.2018
Vísindavefur Dagatal íslenskra vísindamanna
Hugvísindi Málvísindi: almennt
Hugvísindi Málvísindi: íslensk

Hvað hefur vísindamaðurinn Guðrún Þórhallsdóttir rannsakað?

Ritstjórn Vísindavefsins og Vísindafélag Íslands

Vísindafélag Íslendinga - 100 ára
Guðrún Þórhallsdóttir er dósent í íslenskri málfræði við Íslensku- og menningardeild Hugvísindasviðs Háskóla Íslands. Sérsvið hennar í námi var indóevrópsk samanburðarmálfræði, einkum samanburður germanskra mála, og fjallaði doktorsritgerð hennar um efni á sviði frumgermanskrar hljóðsögu. Þegar hún tók við starfi í kennslugreininni íslensku við Háskóla Íslands kom það af sjálfu sér að athyglin beindist að íslenskri málsögu og forsögu íslenskrar tungu.

Sem sögulegur málfræðingur hefur Guðrún áhuga á eðli málbreytinga og hefur fengist við fjölbreytt rannsóknarefni þar sem breytingar á málinu í tímans rás eru viðfangsefnið. Hún hefur einkum rannsakað hljóðbreytingar og breytingar á beygingu á ýmsum tímum og orðsifjar. Á seinni árum hefur hún einnig fjallað um notkun málfræðilegra kynja, bæði nú á dögum og fyrr á öldum, og þannig blandað sér í fræðasviðið mál og kyn. Auk þess hefur hún tekið þátt í rannsóknaverkefninu Málbreytingar og tilbrigði í íslensku máli á 19. öld þar sem litið er á ýmsar hliðar málsins á þeim tíma frá sjónarhorni sögulegrar félagsmálfræði.

Sérsvið Guðrúnar í námi var indóevrópsk samanburðarmálfræði, einkum samanburður germanskra mála.

Guðrún hefur sinnt ýmsum störfum innan háskólasamfélagsins. Hún hefur meðal annars verið forstöðumaður Málvísindastofnunar Háskóla Íslands, setið í stjórn Íslenska málfræðifélagsins og stjórn Stofnunar Árna Magnússonar í íslenskum fræðum. Hún var prófdómari í indóevrópskri samanburðarmálfræði við Kaupmannahafnarháskóla um árabil og á sæti í ráðgjafarritnefndum alþjóðlegra tímarita.

Guðrún fæddist í Reykjavík árið 1961 og varð stúdent frá Menntaskólanum í Reykjavík vorið 1980. Hún lauk BA-prófi í almennum málvísindum og íslensku frá Háskóla Íslands árið 1984. Hún stundaði síðan framhaldsnám við Cornell University í New York-ríki í Bandaríkjunum og lauk þaðan MA-prófi árið 1988 og doktorsprófi árið 1993. Hún var ráðin til starfa við Háskóla Íslands árið 1991 og hefur starfað þar síðan.

Mynd:

  • Úr safni GÞ.

Höfundar

Ritstjórn Vísindavefsins

Ritstjórn Vísindavefsins

Vísindafélag Íslands

Vísindafélag Íslands

Útgáfudagur

28.12.2018

Spyrjandi

Ritstjórn

Efnisorð

Tilvísun

Ritstjórn Vísindavefsins og Vísindafélag Íslands. „Hvað hefur vísindamaðurinn Guðrún Þórhallsdóttir rannsakað?“ Vísindavefurinn, 28. desember 2018, sótt 1. apríl 2025, https://visindavefur.is/svar.php?id=76772.

Ritstjórn Vísindavefsins og Vísindafélag Íslands. (2018, 28. desember). Hvað hefur vísindamaðurinn Guðrún Þórhallsdóttir rannsakað? Vísindavefurinn. https://visindavefur.is/svar.php?id=76772

Ritstjórn Vísindavefsins og Vísindafélag Íslands. „Hvað hefur vísindamaðurinn Guðrún Þórhallsdóttir rannsakað?“ Vísindavefurinn. 28. des. 2018. Vefsíða. 1. apr. 2025. <https://visindavefur.is/svar.php?id=76772>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Hvað hefur vísindamaðurinn Guðrún Þórhallsdóttir rannsakað?
Guðrún Þórhallsdóttir er dósent í íslenskri málfræði við Íslensku- og menningardeild Hugvísindasviðs Háskóla Íslands. Sérsvið hennar í námi var indóevrópsk samanburðarmálfræði, einkum samanburður germanskra mála, og fjallaði doktorsritgerð hennar um efni á sviði frumgermanskrar hljóðsögu. Þegar hún tók við starfi í kennslugreininni íslensku við Háskóla Íslands kom það af sjálfu sér að athyglin beindist að íslenskri málsögu og forsögu íslenskrar tungu.

Sem sögulegur málfræðingur hefur Guðrún áhuga á eðli málbreytinga og hefur fengist við fjölbreytt rannsóknarefni þar sem breytingar á málinu í tímans rás eru viðfangsefnið. Hún hefur einkum rannsakað hljóðbreytingar og breytingar á beygingu á ýmsum tímum og orðsifjar. Á seinni árum hefur hún einnig fjallað um notkun málfræðilegra kynja, bæði nú á dögum og fyrr á öldum, og þannig blandað sér í fræðasviðið mál og kyn. Auk þess hefur hún tekið þátt í rannsóknaverkefninu Málbreytingar og tilbrigði í íslensku máli á 19. öld þar sem litið er á ýmsar hliðar málsins á þeim tíma frá sjónarhorni sögulegrar félagsmálfræði.

Sérsvið Guðrúnar í námi var indóevrópsk samanburðarmálfræði, einkum samanburður germanskra mála.

Guðrún hefur sinnt ýmsum störfum innan háskólasamfélagsins. Hún hefur meðal annars verið forstöðumaður Málvísindastofnunar Háskóla Íslands, setið í stjórn Íslenska málfræðifélagsins og stjórn Stofnunar Árna Magnússonar í íslenskum fræðum. Hún var prófdómari í indóevrópskri samanburðarmálfræði við Kaupmannahafnarháskóla um árabil og á sæti í ráðgjafarritnefndum alþjóðlegra tímarita.

Guðrún fæddist í Reykjavík árið 1961 og varð stúdent frá Menntaskólanum í Reykjavík vorið 1980. Hún lauk BA-prófi í almennum málvísindum og íslensku frá Háskóla Íslands árið 1984. Hún stundaði síðan framhaldsnám við Cornell University í New York-ríki í Bandaríkjunum og lauk þaðan MA-prófi árið 1988 og doktorsprófi árið 1993. Hún var ráðin til starfa við Háskóla Íslands árið 1991 og hefur starfað þar síðan.

Mynd:

  • Úr safni GÞ.

...