Hvaða rannsóknir hefur Jón Ingvar Kjaran stundað?

Nafn þitt

Netfang þitt

Netfang móttakanda

Ruslpóstvörn =

Svar

Hvaða rannsóknir hefur Jón Ingvar Kjaran stundað?
Jón Ingvar Kjaran starfar sem lektor á Menntavísindasviði. Hann kennir jafnframt við Jafnréttisskóla Sameinuðu þjóðanna sem er staðsettur við Háskóla Íslands og tengist meðal annars RIKK og EDDU-öndvegissetri. Rannsóknir hans hafa einkum verið innan kynja- og hinseginfræða. Jafnframt hefur hann sinnt rannsóknum innan félagsfræði menntunar, margbreytileika og hvers kyns mismununar. Í rannsóknum sínum hefur hann beitt ólíkum nálgunum og aðferðum sem hafa verið þverfræðilegar.

Nýlega kom út bók eftir hann hjá Palgrave-bókaforlaginu, Constructing Sexualities and Gendered Bodies In School Spaces. Nordic Insight on Queer and Transgender Students. Þar er gerð grein fyrir meginniðurstöðum rannsóknar á högum hinsegin ungmenna í íslenskum framhaldsskólum og þær settar í norrænt samhengi. Helsta niðurstaðan er sú að hið gagnkynhneigða regluverk er ennþá ríkjandi í framhaldsskólum á Íslandi. Það er ekki meðvitað en eigi að síður er gert ráð fyrir því að allir nemendur sem ritast inn í skólana séu gagnkynhneigðir og fyrir vikið er ekki tekið nægilegt tillit til hinsegin nemenda. Sýnileiki þeirra er ekki mikill og lítið fyrir þá gert. Núna er Jón Ingvar að vinna að bók um samkynhneigð og reynslu samkynhneigðra í Íran. Verður sú bók gefin út af Palgrave á næsta ári.

Jón Ingvar útskrifaðist frá Verzlunarskóla Íslands 1994. Árið 1998 útskrifaðist hann með BA-gráðu í sagnfræði, rússnesku og þýsku frá Háskóla Íslands. Árið 2004 lauk hann MA-gráðu í mannauðsstjórnun frá Háskóla Íslands og svo doktorsprófi frá sama skóla 2014.

Mynd:

• © Stefán Valsson.

...