Af hverju segja menn skinkur í merkingunni þúsund krónur?

Nafn þitt

Netfang þitt

Netfang móttakanda

Ruslpóstvörn =

Svar

Af hverju segja menn skinkur í merkingunni þúsund krónur?
Í þessu svari er tveimur spurningum svarað:

Af hverju er sumar stelpur kallaðar skinkur? Og af hverju segja menn skinkur í merkingunni þúsund krónur?

Skinka er slanguryrði um ákveðna tegund kvenna og vísar til útlits og oft til sjálfsdýrkunar. Orðið er ekki með í Orðabók um slangur sem gefin var út 1982 og er því líklega heldur yngra. Lýsingu á skinku má finna á Wikipediu. Þar er sagt að orðið skinka sé

notað yfir tískufyrirbrigði sem vísar til útlits- og sjálfsdýrkunn kvenna sem ganga lengra en aðrir í fegrunarleiðum og því að ganga í augun á hinu kyninu og nota til þess oftast einhverjar gerfileiðir. Sem dæmi ofbrúnar, þá oftast með hjálp brúnkukrems eða ljósabekkja, ljóshærðar með aflitun hárs, ofmálaðar, klæðast mjög þröngum flegnum fötum, sem dæmi föt sem eru flegin langt niður á brjóst eða svo stutta toppa að kviðurinn verður ber og margar hafa farið í einhverjar lítaaðgerðir eins og brjóstastækkun.

Lýsingin kemur heim og saman við þau svör sem ég hef fengið frá yngra fólki en ekki virðist orðið mikið notað.

Enginn hefur getað sagt mér hvers vegna þúsund króna seðillinn er kallaður skinka og fáir virðast kannast við notkunina. Mér dettur helst í hug að liturinn á seðlinum minni á litinn á skinkusneið.

Mynd:

• Flickr. (Sótt 18.10.2018).

...