Hvenær gæti Indland orðið fjölmennara en Kína?

Nafn þitt

Netfang þitt

Netfang móttakanda

Ruslpóstvörn =

Svar

Hvenær gæti Indland orðið fjölmennara en Kína?
Svokallaðar mannfjöldaspár eða fólksfjöldaspár (e. population projections) eru notaðar til þess að spá fyrir um hversu margir koma til með að lifa á jörðinni allri í framtíðinni, en einnig í hverri heimsálfu fyrir sig, í einstökum löndum, skilgreindum landsvæðum og borgum. Um mannfjöldaspár er fjallað í svari við spurningunni Hvað munu margir búa á jörðinni árið 2050? En 2010? og er lesendum bent á að kynna sér það svar.

Í mannfjöldaspá Sameinuðu þjóðanna sem gefin var út júní 2017 er gengið út frá því að Kínverjar séu um 1,4 milljarðar það ár og Indverjar rúmir 1,3 milljarðar. Reiknað er með að það taki Indland um það bil sjö ár að verða fjölmennara ríki en Kína og það geti því gerst á árinu 2024. Miðað við þær forsendur sem gengið er út frá þá mun mannfjöldi í Kína standa nokkuð í stað allan þriðja áratug 21. aldarinnar. Eftir það er því spáð að Kínverjum fari að fækka þannig að í lok aldarinnar muni þeir verða rétt rúmlega 1 milljarður, svipaður fjöldi og um og upp úr 1980.

Fólki mun hins vegar fjölga á Indlandi allt fram að 2060 og ekki fara fækkandi fyrr en um eða eftir 2070. Spáin gerir ráð fyrir að flestir munu Indverjar verða tæplega 1,7 milljarðar en í lok 21 aldarinnar er líklegt að þeir verði rétt rúmur 1,5 milljarðar.

Heimildir og myndir:

• 21June_FINAL PRESS RELEASE_WPP17.pdf. (Skoðað 19. 7. 2017).
• World Population Prospects - Population Division - United Nations. (Skoðað 19. 7. 2017).
• Mynd: India to have bigger population than China by 2024: UN - The Morung Express | The Morung Express. (Sótt 19. 7. 2017).
• Graf: Byggt á tölum frá World Population Prospects - Population Division - United Nations. (Sótt 19. 7. 2017).

...