Hvað þarf maður að vera gamall til að verða lögregluþjónn á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Hvað þarf maður að vera gamall til að verða lögregluþjónn á Íslandi?
Til að geta orðið lögreglumaður þarf viðkomandi að hafa náð 20 ára aldri. Nú er menntun lögreglumanna kominn á háskólastig sem þýðir að skilyrðin eru þau sömu og uppfylla þarf til að innritast í annað háskólanám, það er að hafa lokið stúdentsprófi eða annarri sambærilegri menntun en við það bætist ákvæði 1. mgr. 38. gr. lögreglulaga nr. 90/1996 þar sem tilgreind eru almenn skilyrði til að eiga möguleika á að komast í starfsmenntun. Þessi skilyrði eru:

1. vera íslenskir ríkisborgarar, 20 ára eða eldri,
2. hafa ekki gerst brotlegir við refsilög, þetta gildir þó ekki ef brot er smávægilegt eða langt er um liðið frá því að það var framið, né hafa sýnt af sér háttsemi sem getur rýrt það traust sem lögreglumenn verða almennt að njóta,
3. vera andlega og líkamlega heilbrigðir og standast læknisskoðun trúnaðarlæknis samkvæmt fyrirliggjandi kröfum sem mennta- og starfsþróunarsetur lögreglu setur reglur um í samstarfi við háskóla,
4. hafa lokið stúdentsprófi eða annarri sambærilegri menntun,
5. standast nánari kröfur sem ráðherra setur með reglugerð, á grundvelli tillagna frá mennta- og starfsþróunarsetri lögreglu, m.a. um menntun, starfsþjálfun, tungumálakunnáttu og líkamlega færni.

Hægt er að nema lögreglufræði við Háskólann á Akureyri. Um er að ræða 120 ECTS eininga tveggja ára starfstengt diplómanám en einnig er hægt að ljúka bakkalárnámi í lögreglu- og löggæslufræði til 180 ECTS eininga. Það er ekki sjálfgefið að þeir sem hefja nám í lögreglufræði fái inngöngu í starfsnám, en til þess að öðlast starfsréttindi sem lögreglumaður þarf að ljúka starfsnáminu. Þá er mögulegt er að ljúka BA-gráðu í lögreglu- og löggæslufræði án starfsréttinda, það gefur möguleika á ýmsum störfum, bæði innan lögreglu og utan hennar.

Mynd:

• Háskólinn á Akureyri - Auðunn Níelsson.

...