Hvaða breytingar hafa orðið á tekjutengingu ellilífeyris frá apríl 2013 til september 2016?

Nafn þitt

Netfang þitt

Netfang móttakanda

Ruslpóstvörn =

Svar

Hvaða breytingar hafa orðið á tekjutengingu ellilífeyris frá apríl 2013 til september 2016?

Athugasemd ritstjórnar Vísindavefsins

Þetta svar tilheyrir staðreynda- og samfélagsvakt Vísindavefsins.

Það sama gildir um þessi svör og önnur á Vísindavefnum. Þau eru skrifuð af nafngreindum höfundum sem bera ábyrgð á efni svarsins.

Lesandi sem telur svari áfátt getur bent ritstjórn á það og er svar þá lagfært ef höfundur fellst á það.

---

Upprunalega spurningin hljóðaði svona:

FEB vill spyrja fyrir hönd félagsmanna sinna hvort sú fullyrðing fjármála- og efnahagsráðherra um að "fyllilega" hafi verið staðið við afnám allra skerðinga hjá eldri borgurum líkt og lofað var og kom fram í bréfi Bjarna til eldri borgara við lok kosningabaráttunnar árið 2013?

Spurningin vísaði því til nokkurra liða í bréfi Bjarna Benediktssonar frá 22. apríl 2013. Hér er að finna svar við einum lið í bréfinu, um tekjutengingu ellilífeyris.

Samkvæmt heimasíðu Tryggingarstofnunar hefur tekjutenging ellilífeyrisgreiðslna breyst með eftirfarandi hætti:

Með lögum nr. 86/2013 var frítekjumark atvinnutekna gagnvart tekjutryggingu og heimilisuppbót hækkað úr 40.000 krónum á mánuði í 109.600 krónur á mánuði.

Þann 1. janúar 2014 voru frítekjumörk vegna lífeyrissjóðstekna ellilífeyrisþega gagnvart tekjutryggingu og heimilisuppbót hækkuð úr 15.800 krónur í 21.600 krónur á mánuði. Þá var skerðingarhlutfall tekna lækkað úr 45% í 38,35%. Samtímis var skerðingarhutfall heimilisuppbótar lækkað úr 13,26% í 11,30%.

Þann 1. janúar 2015 var frítekjumark lífeyristekna gagnvart tekjutryggingu og heimilisuppbót hækkað í 27.400 krónur á mánuði.

Þegar aðrar tekjur en atvinnutekjur og fjármagnstekjur að viðbættum atvinnutekjum og fjármagnstekjum að frádregnum 8.220 krónum ná samtals 214.604 krónum á mánuði skerðist grunnlífeyrir frá Tryggingastofnun um 25% af tekjuupphæðinni. Sé ofangreint tekjuviðmið umfram 374.050 krónur á mánuði falla grunnlífeyrisgreiðslur niður.

Tryggingastofnun dregur breytingar sem hafa orðið á skerðingarhlutföllum og frítekjumörkum gagnvart ellilífeyri, tekjutryggingu og heimilisuppbót saman með eftirfarandi hætti í tölvupóstsamskiptum við ritstjóra Staðreyndavaktarinnar:

Ellilífeyrir	Júní 2013	Júlí 2013	Janúar 2014	Janúar 2015
Skerðingarhlutfall	25,00%	25,00%	25,00%	25,00%
Almennt frítekjumark	214.602	214.602	214.602	214.602
Sértækt frítekjumark fjármagnstekna	8.220	8.220	8.220	8.220
Tekjuskerðing vegna lífeyrissjóðstekna	Já	Nei	Nei	Nei

Tekjutrygging	Júní 2013	Júlí 2013	Janúar 2014	Janúar 2015
Skerðingarhlutfall	45,00%	45,00%	38,35%	38,35%
Sértækt frítekjumark lífeyrissjóðstekna	15.800	15.800	21.600	27.400
Sértækt frítekjumark atvinnutekna	40.000	109.600	109.600	109.600
Sértækt frítekjumark fjármagnstekna	8.220	8.220	8.220	8.220

Heimilisuppbót	Júní 2013	Júlí 2013	Janúar 2014	Janúar 2015
Skerðingarhlutfall	13,26%	13,26%	11,30%	11,30%
Sértækt frítekjumark lífeyrissjóðstekna	15.800	15.800	21.600	27.400
Sértækt frítekjumark atvinnutekna	40.000	109.600	109.600	109.600
Sértækt frítekjumark fjármagnstekna	8.220	8.220	8.220	8.220

Samkvæmt ofangreindu skerðist grunnlífeyrir lífeyristrygginga ef atvinnutekjur og/eða fjármagnstekjur fara umfram ákveðið frítekjumark. Tekjutrygging og heimilisuppbót skerðist ef lífeyrissjóðstekjur, atvinnutekjur og/eða fjármagnstekjur fara yfir ákveðin mörk. Tekjutenging ellilífeyris er því hluti af lífeyriskerfi Tryggingarstofnunar.

Mynd:

• Ragnheiður Jónsdóttir (1646-1715) | smiles while the Krona s… | Flickr. Myndrétthafi er Þorsteinn V. Jónsson. Myndin er birt undir Creative Commons-leyfi. (Sótt 13.09.2016).

...