Hversu miklar tekjur hefur ríkissjóður haft af veiðigjöldum síðan 2005 á verðlagi ársins 2015?

Nafn þitt

Netfang þitt

Netfang móttakanda

Ruslpóstvörn =

Svar

Hversu miklar tekjur hefur ríkissjóður haft af veiðigjöldum síðan 2005 á verðlagi ársins 2015?

Athugasemd ritstjórnar Vísindavefsins

Þetta svar tilheyrir staðreynda- og samfélagsvakt Vísindavefsins.

Það sama gildir um þessi svör og önnur á Vísindavefnum. Þau eru skrifuð af nafngreindum höfundum sem bera ábyrgð á efni svarsins.

Lesandi sem telur svari áfátt getur bent ritstjórn á það og er svar þá lagfært ef höfundur fellst á það.

---

Í töflu 1 má finna yfirlit yfir innheimt veiðigjöld á árunum 2005 til 2014 samkvæmt upplýsingum frá Fjársýslu ríkisins. Einnig er sýnd áætluð innheimta ársins 2015 og áætlun í fjárlagafrumvarpi fyrir árið 2016 um innheimt veiðigjöld á því ári sem nú er að líða.

Tafla 1: Innheimt veiðigjöld frá 2005-2016.

Ár	Veiðigjald, milljónum króna, hlaupandi verðlag
2005	786
2006	432
2007	875
2008	-270
2009	1.015
2010	2.265
2011	3.893
2012	9.836
2013	9.724
2014	8.121
2015	7.410
2016	7.852

Vert er að vekja athygli á að innheimt gjald árið 2008 telst neikvætt þar sem gjaldið sem hafði verið lagt á fyrir fiskveiðiárið 2007/2008 var lækkað með lögum nr. 151/2007 sem tóku gildi 29. desember 2007.

Tafla 1 ber með sér að innheimt gjald var hæst árið 2012, rétt tæpir 10 milljarðar króna á hlaupandi verðlagi.

Tafla 2 sýnir staðvirtar upphæðir þar sem notast er við þrjár ólíkar verðvísitölur til staðvirðingarinnar. Í fyrsta lagi er það verðvísitala sjávarafurða, í öðru lagi verðvísitala samneyslunnar og í þriðja lagi vísitala neysluverðs. Graf 1 sýnir sömu upplýsingar á grafi.

Tafla 2: Innheimt veiðigjöld frá 2005-2016 miðað við þrjár ólíkar verðvísitölur til staðvirðingar. Upphæðir eru í milljónum króna.

Ár	Fast verðlag 2015 (verðvísitala sjávarafurða)	Fast verðlag 2015 (verðlag samneyslu)	Fast verðlag 2015 (neysluverðsvísitala)
2005	2.262	1.500	1.378
2006	977	758	710
2007	1.894	1.441	1.368
2008	-406	-402	-376
2009	1.276	1.372	1.261
2010	2.748	2.914	2.669
2011	4.212	4.750	4.411
2012	9.931	11.353	10.596
2013	10.458	10.773	10.084
2014	8.655	8.668	8.254
2015	7.410	7.410	7.410

Í öllum tilvikum eru fjárhæðir færðar til verðlags árið 2015. Ekki er gerð tilraun til að færa áætlaða innheimtu ársins 2016 til verðlags ársins 2015. Tölurnar bera með sér að verðmæti veiðigjaldsins hafi hækkað mikið milli áranna 2011 og 2012 og fari síðan lækkandi frá árinu 2013.

Mynd:

• Fishing boats in Fremantle harbour | Leica M Summicron 50mm … | Flickr. Myndrétthafi er Ref54. Myndin er birt undir Creative Commons-leyfi. (Sótt 12.09.2016).

Upprunalega spurningin var:

Hversu miklar tekjur hefur ríkið af veiðigjöldum og er rétt að útgerðin greiði lægri veiðigjöld nú en áður?

...