Hvað getur minkur verið lengi í kafi?

Nafn þitt

Netfang þitt

Netfang móttakanda

Ruslpóstvörn =

Svar

Hvað getur minkur verið lengi í kafi?
Minkur (Mustela vison) hefur aðlagast vel að lífi nálægt vötnum og við sjó. Erlendis heldur hann nær alfarið til við vötn vegna samkeppni við aðrar dýrategundir, svo sem rauðref og stóra ránfugla, sem ráða ríkjum á þurrlendi.

Hér á landi heldur hann einnig til við stöðuvötn, straumvötn og nálægt sjó en leitar líka inn til landsins þar sem líkur á að lenda í kjafti eða klóm annars afræningja eru nánast hverfandi.

Minkur á ísrönd.

Á Vísindavefnum hefur talsvert verið skrifað um minkinn og líffræði hans. Rannsóknir hafa sýnt að minkurinn kafar yfirleitt í 5 til 20 sekúndur. Um mögulegan hámarksköfunartíma hefur höfundur þessa svars engar heimildir en væntanlega getur hann kafað mun lengur ef hann þarf þess.

Heimildir og mynd:

• Poole, T B., and N. Dunstone. 1976. Underwater predatory behavior of the American Mink. Journal Of Zoology 178(3): 395-412.
• Íslensk spendýr (í ritstjórn Páls Hersteinssonar). Vaka-Helgarfell. Reykjavík. 2004.
• Mustela visón.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....