Hvort er betra að reykja rafrettur eða sígarettur?

Nafn þitt

Netfang þitt

Netfang móttakanda

Ruslpóstvörn =

Svar

Hvort er betra að reykja rafrettur eða sígarettur?
Nánast allt er skaðminna en að halda áfram að reykja. Í því ljósi er rafrettan jákvæð fyrir afmarkaðan hóp fólks, sem ekki hefur tekist að hætta reykingum með öðrum aðferðum. Þar með er það upptalið.

Rafrettan er að öllum líkindum mun skárri kostur en sígarettur en enn er of stuttur tími síðan þær komu á markaðinn til að draga afdráttarlausar ályktanir. Rannsóknir hafa sýnt að aðrir nikótíngjafar eru ekki síðri til árangurs til að skipta út fyrir sígarettureykingar. Fólk er því hvatt til að reyna frekar aðrar leiðir en rafrettur þegar það ákveður að hætta að reykja. Ef allt annað þrýtur, er betra að nota rafrettur en sígarettur.

Mikilvægt er að hafa í huga aðeins er rúmur áratugur síðan rafrettur komu fyrst á markað í Kína og enn styttra síðan þær urðu fáanlegar í vestrænum löndum. Það er því allt of snemmt að segja til um mögulega skaðsemi þeirra. Ætla má að það taki að minnsta kosti tuttugu ár til viðbótar áður en langtíma heilsufarsafleiðingar af notkunar rafretta koma í ljós. Rétt er að hafa í huga að sígarettur voru taldar skaðlausar þegar notkun þeirra jókst í seinni heimstyrjöldinni.

Eins og fram kemur í svari við spurningunni Eru rafrettur hættulegar? hafa fundist krabbameinsvaldandi efni og önnur eiturefni í rafrettuvökvum. Styrkur þessara efna er þó mun minni en í sígarettureyk en meiri en í nikótínlyfjum.

Ef tilgangurinn með rafrettureykingum er ekki nikótínfíkn heldur félagslegur eða að maður hafi þörf fyrir að hafa eitthvað í munninum þá er mun hollara að naga rör eða gulrót!

Mynd:

• Free photo: E Cigarette, Vaping - Free Image on Pixabay - 1301664. (Sótt 13.09.2017).

...