Sólin
Rís 10:16 • sest 17:07
Tunglið
Rís 11:25 • Sest 16:27
Flóð
Árdegis: 06:28 • Síðdegis: 18:46
Fjara
Árdegis: 00:13 • Síðdegis: 12:47
Geir Haarde, formaður Vísinda- og tækniráðs,
og Kristján Leósson, eðlisverkfræðingur.
Allt í kringum okkur eru tæki og tól sem byggja á örtækni. Tölvur, farsímar, internetið, öryggisbúnaður í bílum og geislaspilarar innihalda örsmáa hreyfanlega hluti eða rásir sem flytja vökva, ljós eða rafmagn. Þetta segir okkur hve mikilvægar örtæknirannsóknir Kristjáns og félaga hans geta verið.Meðfram öflugum rannsóknum hefur Kristján lagt sig fram um að kynna sitt fag og fræði fyrir almenningi með fyrirlestrum og fjölmiðlaviðtölum. Í menntaskóla var hann tvisvar þátttakandi í Ólympíuleikum í eðlisfræði og nú í næstu viku ætlar hann að kenna námskeið í örtækni við Háskóla unga fólksins, við Háskóla Íslands. Þar ætlar hann meðal annars að svara því Hvort tölvur geti orðið óendanlega öflugar og hvort vélmenni muni öðlast meðvitund. Unga fólkið mun áreiðanlega líka hlusta spennt á þegar hann útskýrir fyrir þeim hvort hægt verði að hala niður DVD-mynd á innan við sekúndu og hvort iPod-spilari eigi eftir að komast fyrir í eyrnalokki. Þörfin fyrir verkfræði- og raunvísindamenntað fólk hefur aldrei verið meiri en nú og því mikilvægt að vísindamenn eins og Kristján séu sýnilegir og góðar fyrirmyndir fyrir ungt fólk, sem er að velja sér framtíð. Kristján uppfyllir ákaflega vel viðmið dómnefndarinnar og er verðugur handhafi Hvatningarverðlauna Vísinda- og tækniráðs 2007. Vísindavefurinn óskar Kristjáni Leóssyni til hamingju með verðlaunin og getur vottað fyrir að hann sé vel að þeim kominn. Kristján hefur til að mynda skrifað fyrir okkur fjöldamörg svör við spurningum lesenda. Að þessu tilefni bendum við því til dæmis á svör hans við eftirfarandi spurningum:
