Getið þið greint þessar rúnir sem ég lét tattúvera á mig?

Nafn þitt

Netfang þitt

Netfang móttakanda

Ruslpóstvörn =

Svar

Getið þið greint þessar rúnir sem ég lét tattúvera á mig?
Spyrjandi lét mynd fylgja með spurningunni auk þessarar skýringar:

Þannig er til komið að þetta er letur sem einn húðflúrari notar í sérstökum tilfellum (segir hann) en þetta tjáði hann mér að væru Valhallar-rúnir sem ég veit ekki hvort séu til. En þetta er ég með flúrað á mig. Önnur deili ku ég ekki vita.

Þessari spurningu er bæði auðvelt og erfitt að svara. Auðvelt er að segja að þetta eru ekki eiginlegar rúnir, nema hvað 1. og 3. táknið í neðri (styttri) röðinni minnir á frumgermanska d-rún.

Þetta eru einhverskonar töfra- eða galdratákn sem sum koma mér hálfkunnuglega fyrir sjónir enda hef ég séð óteljandi slík tákn í þeim fjölmörgu rúna- og galdrahandritum sem ég hef farið yfir.

Erfiðara er að vita hvert þessi tákn hafa verið sótt. Mér dettur helst í hug Galdrabók Skugga (Einars? Jochumssonar), sem ég hef bara aðeins litið í en ég veit að hún hefur verið vinsæl meðal galdraáhugamanna og eitthvað af henni gefið út, held ég.

Handritið er i handritadeild Landsbókasafns. En það er bara ágiskun. Líklega best að spyrja þann sem gerði tattúveringuna hvar hann hafi fengið þessi tákn, sem ekki eru læsilegar rúnir, nema þá sem grunnhugmynd um hvernig rúnir líta út.

...