Hvað er klappað og klárt?

Nafn þitt

Netfang þitt

Netfang móttakanda

Ruslpóstvörn =

Svar

Hvað er klappað og klárt?
Upprunalega spurningin hljóðaði svona:

Góðan daginn - var að velta fyrir mér... Hver er uppruni orðatiltækisins "klappað og klárt"?

Orðatiltækið klappað og klárt er fengið að láni úr dönsku, klappet og klart, á seinni hluta 19. aldar eftir því sem best verður séð. Orðasambandið þekkist í dönsku frá því snemma á 18. öld og var fyrst í stað einkum notað um trúlofun eða hjónaband sem búið var að ganga frá og sammælast um. Síðan víkkaði merkingin og sambandið er nú notað um allt það sem er alveg tilbúið og frá gengið. Sambærilegt orðatiltæki í þýsku er klip und klar.

Á timarit.is er elsta íslensk heimild í blaðinu Norðanfara frá 1879 og næstu dæmi eru úr Þjóðólfi 1885 og 1889. Í Ritmálsskrá Orðabókar Háskólans er elsta heimild úr útgáfu á bréfum Valtýs Guðmundssonar sem hann skrifaði móður sinni og stjúpa á árunum 1878–1927. Að baki liggur sögnin að klappa 'banka, berja, hamra' og lýsingarorðið klár í merkingunni 'tilbúinn, fullgerður'.

Myndir:

• File:StateLibQld 1 145123 Marriage of Walter John Beckwith and Myrtle Ellenor Brown, 1920.jpg - Wikimedia Commons. (Sótt 24.02.2015).
• Hans Godo Frabel - Wikipedia, the free encyclopedia. (Sótt 24.02.2015).

...