Á hverju lifa marflær?

Nafn þitt

Netfang þitt

Netfang móttakanda

Ruslpóstvörn =

Svar

Á hverju lifa marflær?
Marflær (Amphipoda) eru ættbálkur krabbadýra sem finnast aðallega í sjó en einnig í ferskvatni. Alls hefur rúmlega 9.500 tegundum verið lýst.

Marflær eru forn ættbálkur. Elstu steingervingar þeirra sem fundist hafa eru frá því snemma á kolatímabilinu fyrir um 330 milljón árum. Það skýrir að einhverju leyti mikinn breytileika innan ættbálksins.

Marflær finnast á afar fjölbreytilegum búsvæðum auk þess sem útlit þeirra er nokkuð fjölbreytt. Þær lifa meðal annars bæði á miklu dýpi úthafanna og í efstu lögum sjávarins, í ferskvatni og jafnvel á þurrlendi en þó þar sem jörðin er rök svo sem í deiglendi og í skógarbotni ofan í laufþekju.

Fæðuvistfræði marflóa er að sama skapi afar fjölbreytt. Sennilega stunda flestar marflær einhvers konar hræát eða leggjast á lífrænar leifar svo sem dauðar skepnur á hafsbotni. Þær eru því sundrendur líkt og ánamaðkar í jarðvegi þurrlendisins. Aðrar tegundir eru einhvers konar „grasbítar“ á þörunga og þriðji hópurinn eru afræningjar á smávaxin skordýr og krabbadýr. Svo eru aðrar sem mætti kalla alætur. Þá má nefna einn hóp marflóa, sem á íslensku kallast hvallýs (Cyamidae), en þær eru ásætur á reyðarhvölum og lifa á þörungum sem á þeim vaxa.

Mynd:

• Hyperia - Marflær - Wikipedia, frjálsa alfræðiritið. (Sótt 8. 12. 2014).

...