Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Náttúruvísindi og verkfræði Landafræði Gæti Grænland orðið fjölmennara en Ísland í framtíðinni?

Flokkun:

3.11.2014
Náttúruvísindi og verkfræði Landafræði
Félagsvísindi Félagsvísindi almennt

Gæti Grænland orðið fjölmennara en Ísland í framtíðinni?

Emilía Dagný Sveinbjörnsdóttir

Upprunalega spurningin hljóðaði svona:
Á Grænland raunhæfan möguleika á að verða fjölmennara en Ísland í framtíðinni?

Í stuttu máli sagt er afar ólíklegt að Grænland verði fjölmennara en Ísland í fyrirsjáanlegri framtíð nema eitthvað stórkostlegt gerist sem veldur mjög mikilli fólksfækkun á Íslandi eða mjög mikilli fjölgun í Grænlandi.

Til þess að meta hversu margir munu mögulega búa á tilteknum svæðum, löndum, heimsálfum eða heiminum öllum í framtíðinni eru gerðar svokallaðar mannfjöldaspár (e. population projections). Um þær er meðal annars fjallað í svari við spurningunni Hvað munu margir búa á jörðinni árið 2050? En 2010? Mannfjöldaspár byggjast á ákveðnum forsendum um frjósemi, það er að segja hversu mörg börn má ætla að hver kona eignist að meðaltali, og dánartíðni þar sem gengið er út frá lengd meðalævi. Einnig þarf að taka tillit til búferlaflutninga. Út frá þróun undanfarinna ára er síðan reynt að áætla hvernig frjósemi, dánartíðni og búferlaflutningar muni þróast á næstu árum og áratugum.

Afar ólíklegt er að Grænland verði fjölmennara en Ísland í fyrirsjáanlegri framtíð.

Rétt er að taka fram að mannfjöldaspár geta aldrei verið mjög nákvæmar, sértaklega ekki ef þær ná langt fram í tímann, þar sem óvíst er hvernig einstaka breytur munu þróast. Minnsta óvissan er í dánartíðninni en mesta óvissan er yfirleitt bundin við búferlaflutninga.

Á vef Hagstofu Grænlands (Grønland statistiks) er að finna fólksfjöldaspá til ársins 2040. Samskonar spá er einnig að finna á vef Hagstofu Íslands. Samkvæmt þessum spám er gert ráð fyrir að á tímabilinu 2015 til 2040 muni Íslendingum fjölga úr 326.900 í 395.900. Hins vegar er gert ráð fyrir lítilsháttar fækkun á Grænlandi, úr 56.200 í 53.400.

Væntanleg þróun mannfjölda á Íslandi og Grænlandi til ársins 2040.

Gangi þessar spár eftir mun Íslendingum halda áfram að fjölga næstu áratugi en Grænlendingum fækka. Allt stefnir því í að munur á íbúafjölda í löndunum tveimur muni aukast frekar en að það dragi saman. Vissulega eru þetta aðeins spár og eins og fram hefur komið er óvissa í þeim. Það breytir því hins vegar ekki að munur á mannfjölda í löndunum tveimur er það mikill í dag að eitthvað stórkostlegt og algjörlega ófyrirsjáanlegt þarf að gerast til þess að Grænlendingar verði fleiri en Íslendingar.

Heimildir:

Mynd:

Höfundur

Emilía Dagný Sveinbjörnsdóttir

Emilía Dagný Sveinbjörnsdóttir

landfræðingur og starfsmaður Vísindavefsins

Útgáfudagur

3.11.2014

Spyrjandi

Björn Gústav Jónsson, f. 2000

Efnisorð

Tilvísun

Emilía Dagný Sveinbjörnsdóttir. „Gæti Grænland orðið fjölmennara en Ísland í framtíðinni?“ Vísindavefurinn, 3. nóvember 2014, sótt 23. nóvember 2024, https://visindavefur.is/svar.php?id=67572.

Emilía Dagný Sveinbjörnsdóttir. (2014, 3. nóvember). Gæti Grænland orðið fjölmennara en Ísland í framtíðinni? Vísindavefurinn. https://visindavefur.is/svar.php?id=67572

Emilía Dagný Sveinbjörnsdóttir. „Gæti Grænland orðið fjölmennara en Ísland í framtíðinni?“ Vísindavefurinn. 3. nóv. 2014. Vefsíða. 23. nóv. 2024. <https://visindavefur.is/svar.php?id=67572>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Gæti Grænland orðið fjölmennara en Ísland í framtíðinni?
Upprunalega spurningin hljóðaði svona:

Á Grænland raunhæfan möguleika á að verða fjölmennara en Ísland í framtíðinni?

Í stuttu máli sagt er afar ólíklegt að Grænland verði fjölmennara en Ísland í fyrirsjáanlegri framtíð nema eitthvað stórkostlegt gerist sem veldur mjög mikilli fólksfækkun á Íslandi eða mjög mikilli fjölgun í Grænlandi.

Til þess að meta hversu margir munu mögulega búa á tilteknum svæðum, löndum, heimsálfum eða heiminum öllum í framtíðinni eru gerðar svokallaðar mannfjöldaspár (e. population projections). Um þær er meðal annars fjallað í svari við spurningunni Hvað munu margir búa á jörðinni árið 2050? En 2010? Mannfjöldaspár byggjast á ákveðnum forsendum um frjósemi, það er að segja hversu mörg börn má ætla að hver kona eignist að meðaltali, og dánartíðni þar sem gengið er út frá lengd meðalævi. Einnig þarf að taka tillit til búferlaflutninga. Út frá þróun undanfarinna ára er síðan reynt að áætla hvernig frjósemi, dánartíðni og búferlaflutningar muni þróast á næstu árum og áratugum.

Afar ólíklegt er að Grænland verði fjölmennara en Ísland í fyrirsjáanlegri framtíð.

Rétt er að taka fram að mannfjöldaspár geta aldrei verið mjög nákvæmar, sértaklega ekki ef þær ná langt fram í tímann, þar sem óvíst er hvernig einstaka breytur munu þróast. Minnsta óvissan er í dánartíðninni en mesta óvissan er yfirleitt bundin við búferlaflutninga.

Á vef Hagstofu Grænlands (Grønland statistiks) er að finna fólksfjöldaspá til ársins 2040. Samskonar spá er einnig að finna á vef Hagstofu Íslands. Samkvæmt þessum spám er gert ráð fyrir að á tímabilinu 2015 til 2040 muni Íslendingum fjölga úr 326.900 í 395.900. Hins vegar er gert ráð fyrir lítilsháttar fækkun á Grænlandi, úr 56.200 í 53.400.

Væntanleg þróun mannfjölda á Íslandi og Grænlandi til ársins 2040.

Gangi þessar spár eftir mun Íslendingum halda áfram að fjölga næstu áratugi en Grænlendingum fækka. Allt stefnir því í að munur á íbúafjölda í löndunum tveimur muni aukast frekar en að það dragi saman. Vissulega eru þetta aðeins spár og eins og fram hefur komið er óvissa í þeim. Það breytir því hins vegar ekki að munur á mannfjölda í löndunum tveimur er það mikill í dag að eitthvað stórkostlegt og algjörlega ófyrirsjáanlegt þarf að gerast til þess að Grænlendingar verði fleiri en Íslendingar.

Heimildir:

Mynd:

...