Gætu verið til óuppgötvuð handrit Íslendingasagna einhvers staðar?

Nafn þitt

Netfang þitt

Netfang móttakanda

Ruslpóstvörn =

Svar

Gætu verið til óuppgötvuð handrit Íslendingasagna einhvers staðar?
Spurningin í fullri lengd hljóðaði svona:

Gætu mögulega verið til óuppgötvuð handrit eða Íslendingasögur á Íslandi eða erlendis?

Það er mögulegt að til séu óuppgötvuð handrit Íslendingasagna en það er ekki líklegt.

Það koma annað veifið handrit til Landsbókasafns Íslands – Háskólabókasafns, Stofnunar Árna Magnússonar í íslenskum fræðum og héraðsbókasafna og -skjalasafna sem hafa verið í eigu einstaklinga; flest eru þau frá 19. öld.

Margvíslegt efni er í þessum handritum og það segir sig sjálft að þar innan um gætu verið Íslendingasögur þótt afar ólíklegt sé að um áður óþekktar sögur sé að ræða. Það má gera ráð fyrir að handrit með ýmsu efni liggi víða vestanhafs meðal afkomenda Íslendinga sem fluttu til Norður-Ameríku á síðari hluta 19. aldar og í upphafi þeirrar tuttugustu en það er ekki sennilegt að Íslendingasögur séu í mörgum þeirra. Það er þó ekki óhugsandi að uppskrift einhverrar Íslendingasögu leynist þar innan um.

Mynd:

• Stofnun Árna Magnússonar í íslenskum fræðum (Sótt 4.8.2010).

...