Hvers vegna getum við ekki stjórnað öllu taugakerfinu með viljanum?

Nafn þitt

Netfang þitt

Netfang móttakanda

Ruslpóstvörn =

Svar

Hvers vegna getum við ekki stjórnað öllu taugakerfinu með viljanum?
Ég á sjálfskiptan bíl. Ég hefði getað keypt mér beinskiptan bíl fyrir minni pening en ég kaus að gera það ekki. Á sjálfskiptum bíl þarf ég ekkert að pæla í því að kúpla eða passa að renna ekki óvart aftur á bak þegar ég tek af stað í brekku. Ég læt vélbúnaðinn algjörlega um að skipta um gír þegar við á og get í staðinn einbeitt mér enn frekar að því að stjórna bensíngjöfinni, stýra og bremsa.

Þetta er kannski svolítið eins með taugakerfið. Ef mér gæfist kostur á því, mundi ég vilja kaupa mér beinskipt taugakerfi? Hvernig væri það ef maður þyrfti til dæmis meðvitað að segja hjartanu að slá eða að þurfa alltaf að hugsa um hvernig maður setur annan fótinn fyrir framan hinn þegar maður hleypur? Í óvenjulegum aðstæðum getur reyndar verið ágætt að geta stjórnað með viljanum því sem oftast nær gerist sjálfkrafa; til dæmis getur í vissum tilfellum verið gott að geta haldið niðri í sér andanum. Í flestum aðstæðum er það bara algjör óþarfi.

Hvers vegna getum við þá ekki stjórnað öllu taugakerfinu með vilja okkar? Stutta svarið við spurningunni er einfaldlega: Af því að við komumst ágætlega af án þess að geta það.

Mynd:

• Happy driver | Flickr - Photo Sharing!. (Sótt 13.03.2014).

...