Sólin Sólin Rís 10:26 • sest 16:02 í Reykjavík
Tunglið Tunglið Rís 01:04 • Sest 15:19 í Reykjavík
Flóð Flóð Árdegis: 01:05 • Síðdegis: 13:31 í Reykjavík
Fjaran Fjara Árdegis: 07:12 • Síðdegis: 20:04 í Reykjavík
Sólin Sólin Rís 10:26 • sest 16:02 í Reykjavík
Tunglið Tunglið Rís 01:04 • Sest 15:19 í Reykjavík
Flóð Flóð Árdegis: 01:05 • Síðdegis: 13:31 í Reykjavík
Fjaran Fjara Árdegis: 07:12 • Síðdegis: 20:04 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Heilbrigðisvísindi Læknisfræði Hvað orsakar Meniere-sjúkdóm og hver eru einkenni hans?

Flokkun:

11.6.2007
Heilbrigðisvísindi Læknisfræði

Hvað orsakar Meniere-sjúkdóm og hver eru einkenni hans?

Doktor.is

Hér er einnig svarað spurningunni:
Hvað er Meniere sjúkómur og er hægt að lækna hann?

Meniere-sjúkdómur eða völundarsvimi eins og hann er nefndur á íslensku, er sjúkdómur í innra eyra sem orsakast af breytingum á vökvamagni. Sjúkdómurinn einkennist af skyndilegum svima og ógleði, uppköstum, verri heyrn og suði fyrir eyra. Sviminn getur komið án fyrirvara og orðið svo mikill að nauðsynlegt reynist að styðja sig við eitthvað til þess að hníga ekki niður. Kastið getur varað í nokkra klukkutíma.

Dæmigerður framgangur sjúkdómsins er á þann veg að fólk fær svimaköst af og til, sumir nokkuð oft, en þess á milli koma einkennalaus tímabil sem geta varað upp undir eitt ár. Á fimm til tíu árum versnar heyrnin smám saman hjá sumum og þá oftast á öðru eyranu. Á endanum verða svimaköstin vægari, jafnvel engin, en eftir stendur suð fyrir eyra og í sumum tilfellum skert heyrn.

Ef köstin eru tíð er nauðsynlegt að forðast aðstæður sem valda streitu þar sem talið er mögulegt að mikil streita geti ýtt undir þessi köst. Einnig er ráðlegt að hvíla sig vel. Sú vitneskja að engin hætta er á ferðum sem og að þekkja sjúkdóminn vel getur haft róandi áhrif þrátt fyrir að kastið sé slæmt.



Völundarsvimi er sjúkdómur í innra eyra og orsakast af breytingum á vökvamagninu þar.

Engin lyf eru til sem geta læknað völundarsvima, komið í veg fyrir kast eða dregið alveg úr einkennunum. Hins vegar er mögulegt í samráði við lækni eða sérfræðing að fara í róandi meðferð sem getur gagnast við svimanum. Yfirleitt verður fólk að prófa sig áfram áður en heppilegasta meðferðin finnst. Ef köstin eru tíð og verulega slæm er í einstaka tilfellum gripið til skurðaðgerðar.

Nokkrir aðrir sjúkdómar líkjast völundarsvima og er þeim stundum ruglað saman við hann. Þar má nefna faraldssvima, sem reyndar er ekki skilgreindur sem sjúkdómur heldur er einkenni sem svipar til þeirra sem koma fram við völundarsvima og því oft sett undir sama hatt.

Annar er jafnvægistaugarþroti sem er sjúkdómur með svipuð einkenni. Einnig er talið að í sumum tilfellum sé um að ræða veirusýkingu sem veldur svima, í byrjun jafnvel stöðugum en þegar frá líður kemur hann með hléum. Þetta veldur einnig ósjálfráðum hreyfingum í augum. Loks má nefna ógleði, uppköst og óskýra sjón sem eru algeng einkenni í tilfellum þar sem um svima af völdum sýkingar er að ræða.

Ólíkt völundarsvima fylgja suð fyrir eyra og skerðing á heyrn ekki þessum sjúkdómum eða einkennum. Ekki er til meðferð við þessum sjúkdómum, en hins vegar er hægt að slá á sum einkennin með lyfjum. Einkennin hverfa oftast með tímanum án þess að valda varanlegum skaða.

Þetta svar er lítillega breyttur pistill af Doktor.is og birt með góðfúslegu leyfi.
Ítarlegri umfjöllun um völundarsvima er að finna á heimasíðu Félags Heyrnarhjálpar.

Mynd: BBC Health

Höfundur

Doktor.is

Útgáfudagur

11.6.2007

Spyrjandi

Jóhanna Þorvarðardóttir
Jón Ingi

Efnisorð

Tilvísun

Doktor.is. „Hvað orsakar Meniere-sjúkdóm og hver eru einkenni hans?“ Vísindavefurinn, 11. júní 2007, sótt 24. nóvember 2024, https://visindavefur.is/svar.php?id=6675.

Doktor.is. (2007, 11. júní). Hvað orsakar Meniere-sjúkdóm og hver eru einkenni hans? Vísindavefurinn. https://visindavefur.is/svar.php?id=6675

Doktor.is. „Hvað orsakar Meniere-sjúkdóm og hver eru einkenni hans?“ Vísindavefurinn. 11. jún. 2007. Vefsíða. 24. nóv. 2024. <https://visindavefur.is/svar.php?id=6675>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvað orsakar Meniere-sjúkdóm og hver eru einkenni hans?
Hér er einnig svarað spurningunni:

Hvað er Meniere sjúkómur og er hægt að lækna hann?

Meniere-sjúkdómur eða völundarsvimi eins og hann er nefndur á íslensku, er sjúkdómur í innra eyra sem orsakast af breytingum á vökvamagni. Sjúkdómurinn einkennist af skyndilegum svima og ógleði, uppköstum, verri heyrn og suði fyrir eyra. Sviminn getur komið án fyrirvara og orðið svo mikill að nauðsynlegt reynist að styðja sig við eitthvað til þess að hníga ekki niður. Kastið getur varað í nokkra klukkutíma.

Dæmigerður framgangur sjúkdómsins er á þann veg að fólk fær svimaköst af og til, sumir nokkuð oft, en þess á milli koma einkennalaus tímabil sem geta varað upp undir eitt ár. Á fimm til tíu árum versnar heyrnin smám saman hjá sumum og þá oftast á öðru eyranu. Á endanum verða svimaköstin vægari, jafnvel engin, en eftir stendur suð fyrir eyra og í sumum tilfellum skert heyrn.

Ef köstin eru tíð er nauðsynlegt að forðast aðstæður sem valda streitu þar sem talið er mögulegt að mikil streita geti ýtt undir þessi köst. Einnig er ráðlegt að hvíla sig vel. Sú vitneskja að engin hætta er á ferðum sem og að þekkja sjúkdóminn vel getur haft róandi áhrif þrátt fyrir að kastið sé slæmt.



Völundarsvimi er sjúkdómur í innra eyra og orsakast af breytingum á vökvamagninu þar.

Engin lyf eru til sem geta læknað völundarsvima, komið í veg fyrir kast eða dregið alveg úr einkennunum. Hins vegar er mögulegt í samráði við lækni eða sérfræðing að fara í róandi meðferð sem getur gagnast við svimanum. Yfirleitt verður fólk að prófa sig áfram áður en heppilegasta meðferðin finnst. Ef köstin eru tíð og verulega slæm er í einstaka tilfellum gripið til skurðaðgerðar.

Nokkrir aðrir sjúkdómar líkjast völundarsvima og er þeim stundum ruglað saman við hann. Þar má nefna faraldssvima, sem reyndar er ekki skilgreindur sem sjúkdómur heldur er einkenni sem svipar til þeirra sem koma fram við völundarsvima og því oft sett undir sama hatt.

Annar er jafnvægistaugarþroti sem er sjúkdómur með svipuð einkenni. Einnig er talið að í sumum tilfellum sé um að ræða veirusýkingu sem veldur svima, í byrjun jafnvel stöðugum en þegar frá líður kemur hann með hléum. Þetta veldur einnig ósjálfráðum hreyfingum í augum. Loks má nefna ógleði, uppköst og óskýra sjón sem eru algeng einkenni í tilfellum þar sem um svima af völdum sýkingar er að ræða.

Ólíkt völundarsvima fylgja suð fyrir eyra og skerðing á heyrn ekki þessum sjúkdómum eða einkennum. Ekki er til meðferð við þessum sjúkdómum, en hins vegar er hægt að slá á sum einkennin með lyfjum. Einkennin hverfa oftast með tímanum án þess að valda varanlegum skaða.

Þetta svar er lítillega breyttur pistill af Doktor.is og birt með góðfúslegu leyfi.
Ítarlegri umfjöllun um völundarsvima er að finna á heimasíðu Félags Heyrnarhjálpar.

Mynd: BBC Health ...