Vísindavefurinn: Geta bylgjur frá GSM-símum eyðilagt kreditkort og aðra hluti sem búnir eru segulröndum?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Svarið er nei og þetta má skýra með eftirfarandi athugun.

Lítum fyrst á segulræmuna. Á henni er runa eða safn af örsmáum seglum. Oftast eru þetta staflaga maghemít-seglar, en maghemít (γ-Fe₂O₃) er segull sem hefur góða eiginleika hvað varðar segulstyrk og stöðugleika. Lega seglanna myndar mynstur sem ræðst af því hvort norður- eða suðurskaut þeirra snýr upp eða niður.

Mynstrið felur í sér upplýsingar um tiltekið greiðslukort, ekki ósvipað og strikamerkingar á vörum í verslunum. Til að breyta mynstrinu þarf sérstakan skrifara með segulsviði af stærðargráðunni 100 mT (millitesla, en tesla er mælieining fyrir styrk segulsviðs). Til samanburðar má nefna að segulsvið jarðar er um 0,1 mT og því alltof veikt til að mynstrið á ræmunni brenglist.

Farsímar geta ekki skemmt segulrendur á greiðslukortum.

En hvað um farsíma? Venjulegur farsími sendir frá sér rafsegulbylgjur á tíðni sem er um 1000 MHz (megarið) og aflið í útsendingu er um 100 mW (milliwött). Þessum bylgjum fylgir því bæði raf- og segulsvið. Unnt er að reikna styrk hvors þáttar fyrir sig þegar aflið er þekkt. Hugsum okkur að síminn sé borinn að segulræmunni, en þá verða áhrifin mest. Í þessu tilviki getur þáttur segulsviðsins orðið um 0,1 míkrótesla á segulræmuna en það er um einn þúsundasti hluti af styrk segulsviðs jarðar.

Af þessu sést að það er óravegur frá því segulsviði sem síminn myndar til þess styrks sem þarf til að rugla mynstrinu á segulræmunni.

Frekara lesefni á Vísindavefnum og mynd

Er hægt að búa til segulstál sem er kúlulaga og annað skautið snýr inn á við? eftir Leó Kristjánsson.
Er hægt að framleiða rafmagn úr segli og ef svo er þá hvernig? eftir Leó Kristjánsson.
Er mögulegt að láta hluti fljúga og ferðast með því einu að nota segul og rafmagn? eftir Árdísi Elíasdóttur og Þorstein Vilhjálmsson.
Eru GSM-símar skaðlegir heilsunni? eftir Magnús Jóhannsson.
Eru rafsegulbylgjur frá farsímum og öðrum raftækjum skaðlegar heilsunni eða erfðaefninu? eftir Viðar Guðmundsson.
Mynd: Suica Card + Mobile Suica. Flickr.com. Höfundur myndar er Mac-Vegetarian. Myndin er birt undir Creative Commons leyfi.

Senda grein til vinar

Sendu inn spurningu

Geta bylgjur frá GSM-símum eyðilagt kreditkort og aðra hluti sem búnir eru segulröndum?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Geta bylgjur frá GSM-símum eyðilagt kreditkort og aðra hluti sem búnir eru segulröndum?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar