Gætu asískir risageitungar lifað á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Gætu asískir risageitungar lifað á Íslandi?
Gefum okkur að einn asískur risageitungur af tegundinni Vespa mandarinia japonica slæðist hingað til landsins eins og stundum gerist með framandi skordýr. Það er ólíklegt að hann yrði langlífur. Geitungar eru félagsskordýr og virðast ekki geta spjarað sig eins síns liðs ef þeir flækjast fjarri búi sínu eða búið skemmist af einhverjum ástæðum.

Svo er það önnur spurning hvort þessi tegund gæti fest hér „rætur“, það er komið sér fyrir í íslenski fánu ef drottningar berast hingað. Slíkt er einnig afar ólíklegt því hér er alltof kalt fyrir tegundina.

Náttúruleg heimkynni asíska risageitungsins eru á heittempruðum svæðum í austurhluta Asíu, nánar tiltekið í Japan, Kína, í Prímorskí-héraði Rússlands og á Kóreuskaga. Auk þess teygir hann útbreiðslu sína suðvestur eftir Asíu, inn í þétta skóga Indókína og Taívan. Tegundin er þó langalgengust í fjalllendi Japans.

Ísland liggur vel fyrir norðan mögulegt útbreiðslusvæði tegundarinnar ef hún kæmi til Evrópu á annað borð. Það þarf því ekki að óttast að þessi stórvaxni geitungur fari að hrella landsmenn.

Mynd:

• Vespa mandarinia japonica s3.JPG - Wikimedia Commons. (Sótt 30. 10. 2013).

Upprunalega spurningin hljóðaði svona:

Gætu asískir risageitungar lifað á Íslandi yfir sumartímann?

...