Er meðalgreind mannkynsins að hækka eða lækka?

Nafn þitt

Netfang þitt

Netfang móttakanda

Ruslpóstvörn =

Svar

Er meðalgreind mannkynsins að hækka eða lækka?
Svo virðist sem meðalgreind mannkyns, eins og hægt er að mæla hana í greindarprófum, sé að aukast. Frammistaða fólks í greindarprófum hefur batnað alls staðar í heiminum með hverri kynslóð. Meðalgreindarvísitala hækkar að jafnaði um þrjú stig á hverjum áratug. Það var nýsjálenski stjórnmálafræðingurinn James R. Flynn (f. 1934) sem uppgötvaði þetta fyrstur manna og aukningin er þess vegna nefnd Flynn-hrif.

Ýmsir þættir gætu skýrt þessa hækkun, til að mynda:

• þróun manna í átt að meiri greind
• hærra menntunarstig almennings
• uppeldi sem örvar börn og nærir betur andlegan þroska þeirra
• flóknara samfélag sem ýtir undir eðlisgreind
• næringarríkara mataræði sem tryggir eðlilegan vitsmunaþroska

Ýtarlega er fjallað um þetta efni í fróðlegu svari Heiðu Maríu Sigurðardóttur við spurningunni Hvers vegna verður mannfólkið sífellt gáfaðra? en þetta svar byggir einmitt á því. Við bendum lesendum á að lesa það svar.

Sumir fræðimenn draga Flynn-hrifin í efa og telja þau eingöngu vera aukaáhrif þess að fólk sé mun vanara nú en áður að taka próf af ýmsu tagi. Það sem mælir hins vegar gegn þessu er að Flynn-hrifin eru sterkust í þeim greindarprófum sem reyna minnst á fyrri reynslu.

Mynd:

• Millions of children in Africa lack basic education. (Sótt 29.01.2013).

...