Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Vísindi almennt Hvað eru um það bil margir vísindamenn á Íslandi?

Flokkun:

8.11.2006
Vísindavefur Vísindi almennt

Hvað eru um það bil margir vísindamenn á Íslandi?

Þorvaldur Finnbjörnsson

Til að geta fundið eitthvert svar við spurningunni þarf að kunna skil á því hvað séu vísindi. Hugtakið 'vísindi' þýðir 'þekking' eða 'kunnátta'. Webster's New Collegiate Dictionary skilgreinir vísindi að sama skapi sem „þekkingu sem aflað er með rannsóknum eða reynslu [e. study or practice]“. Því má gera ráð fyrir að rannsóknir og þróun sé eitt helsta starf vísindamannsins.

Í svarinu er gengið út frá því að vísindamenn séu alla jafna háskólamenntað fólk sem stjórnar rannsókna- og þróunarverkefnum. Hafa verður fyrirvara á svarinu þar sem þetta er að sjálfsögðu nokkur einföldun. Til að mynda er mikið af ungu fólki sem stundar áhugaverðar og mikilvægar rannsóknir en stjórnar þeim ekki. Dæmi eru allir þeir aðilar sem stunda doktorsnám og eru þátttakendur í verkefnum annarra reyndra vísindamanna.



Íslenskir vísindamenn stunda meðal annars rannsóknir á fiskeldi.

RANNÍS, eða Rannsóknamiðstöð Íslands, aflar gagna um rannsókna- og þróunarstarf á Íslandi, þar á meðal um fjölda starfsmanna og ársverka. Þessar upplýsingar eru síðan flokkaðar eftir kyni, starfi og menntun.

Á Íslandi störfuðu um 5.500 manns við rannsóknir og þróun árið 2003. Þetta fólk lagði til um 2.950 ársverk. Af þeim voru 600 ársverk unnin af fólki með doktorsgráðu en um 1.550 af fólki með aðra háskólagráðu. Konur lögðu fram um 1.150 ársverk og karlar tæp 1.800 ársverk.

Miðað við tölur Rannís má gróflega áætla að ársverk vísindamanna séu nálægt 2.000. Út frá gögnum Rannís má sömuleiðis finna út að það þarf um 3.700 manns til að skila 2.000 ársverkum vísindamanna. Þetta gefur til kynna að fjöldi vísindamanna á Íslandi sé um 3.700 og að þeir vinni um 2.000 ársverk við rannsóknir og þróun.

Frekara lesefni á Vísindavefnum

Mynd: Fiskeldishópur AVS. Sótt 29. 10. 2008.

Höfundur

Þorvaldur Finnbjörnsson

sviðsstjóri greiningarsviðs RANNÍS

Útgáfudagur

8.11.2006

Spyrjandi

Agla Bettý Andrésdóttir

Efnisorð

Tilvísun

Þorvaldur Finnbjörnsson. „Hvað eru um það bil margir vísindamenn á Íslandi?“ Vísindavefurinn, 8. nóvember 2006, sótt 23. nóvember 2024, https://visindavefur.is/svar.php?id=6367.

Þorvaldur Finnbjörnsson. (2006, 8. nóvember). Hvað eru um það bil margir vísindamenn á Íslandi? Vísindavefurinn. https://visindavefur.is/svar.php?id=6367

Þorvaldur Finnbjörnsson. „Hvað eru um það bil margir vísindamenn á Íslandi?“ Vísindavefurinn. 8. nóv. 2006. Vefsíða. 23. nóv. 2024. <https://visindavefur.is/svar.php?id=6367>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvað eru um það bil margir vísindamenn á Íslandi?
Til að geta fundið eitthvert svar við spurningunni þarf að kunna skil á því hvað séu vísindi. Hugtakið 'vísindi' þýðir 'þekking' eða 'kunnátta'. Webster's New Collegiate Dictionary skilgreinir vísindi að sama skapi sem „þekkingu sem aflað er með rannsóknum eða reynslu [e. study or practice]“. Því má gera ráð fyrir að rannsóknir og þróun sé eitt helsta starf vísindamannsins.

Í svarinu er gengið út frá því að vísindamenn séu alla jafna háskólamenntað fólk sem stjórnar rannsókna- og þróunarverkefnum. Hafa verður fyrirvara á svarinu þar sem þetta er að sjálfsögðu nokkur einföldun. Til að mynda er mikið af ungu fólki sem stundar áhugaverðar og mikilvægar rannsóknir en stjórnar þeim ekki. Dæmi eru allir þeir aðilar sem stunda doktorsnám og eru þátttakendur í verkefnum annarra reyndra vísindamanna.



Íslenskir vísindamenn stunda meðal annars rannsóknir á fiskeldi.

RANNÍS, eða Rannsóknamiðstöð Íslands, aflar gagna um rannsókna- og þróunarstarf á Íslandi, þar á meðal um fjölda starfsmanna og ársverka. Þessar upplýsingar eru síðan flokkaðar eftir kyni, starfi og menntun.

Á Íslandi störfuðu um 5.500 manns við rannsóknir og þróun árið 2003. Þetta fólk lagði til um 2.950 ársverk. Af þeim voru 600 ársverk unnin af fólki með doktorsgráðu en um 1.550 af fólki með aðra háskólagráðu. Konur lögðu fram um 1.150 ársverk og karlar tæp 1.800 ársverk.

Miðað við tölur Rannís má gróflega áætla að ársverk vísindamanna séu nálægt 2.000. Út frá gögnum Rannís má sömuleiðis finna út að það þarf um 3.700 manns til að skila 2.000 ársverkum vísindamanna. Þetta gefur til kynna að fjöldi vísindamanna á Íslandi sé um 3.700 og að þeir vinni um 2.000 ársverk við rannsóknir og þróun.

Frekara lesefni á Vísindavefnum

Mynd: Fiskeldishópur AVS. Sótt 29. 10. 2008....