Ert þú útlenskur?

Nafn þitt

Netfang þitt

Netfang móttakanda

Ruslpóstvörn =

Svar

Ert þú útlenskur?
Allir eru auðvitað útlenskir í einhvers augum. Þegar starfsmenn Vísindavefsins fara utan verða þeir væntanlega útlendingar í viðkomandi landi. Hér á Íslandi teljast þeir samt líklega íslenskir. Reyndar má nefna að allmargir menn af erlendu bergi brotnu hafa skrifað fyrir Vísindavefinn, þótt þeir teljist ekki fastir starfsmenn hans.

En auðvitað vakna vangaveltur um hvað skilji á milli útlendinga og Íslendinga. Höfundur þessa svars fæddist til dæmis í Svíþjóð, þótt hann eigi foreldra fædda á Íslandi, bjó þar lengi og talar ágæta sænsku. Ætti höfundur þá ef til vill að teljast útlenskur?

Einn fræðimaður sem skrifað hefur allnokkrar greinar á Vísindavefinn er svo fæddur og uppalinn á Bretlandi en hefur lengi búið á Íslandi og talar nær óaðfinnanlega íslensku. Ætti hann kannski að teljast íslenskur? Og hvað með einhvern sem hefur íslenskan ríkisborgararétt en hefur nær alla sína æfi búið utan landsteinanna?

Það er því ef til vill að vissu leyti skilgreiningaratriði hvort maður sé íslenskur eða útlenskur.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....