Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
Lísa í Undralandi mátti þola ýmislegt meðan hún dvaldist þar í landi. Hún lenti meðal annars í klónum á hjartadrottningunni viðskotaillu, sem hótaði sífellt að gera fólk höfðinu styttra og fleygði Lísu í dýflissu í kastalanum sínum.
Hjartadrottningin hafði mjög gaman af gátum og taldi sig slyngan gátusmið. Á meðan Lísa var fangi hennar lagði hún því fyrir hana ýmsar þrautir. Einn daginn lét hún stilla Lísu upp 8 metra frá útidyrum kastalans og lagði fyrir hana þessa þraut:Nú ertu 8 metra frá útidyrahurðinni. Þú mátt færa þig nær henni með því að taka helming fjarlægðarinnar að hurðinni í hverju skrefi. Ef þú getur sagt mér hversu mörg skref þú þarft að taka til að komast út um dyrnar þá er þér frjálst að fara. Ef þú giskar hins vegar á rangt svar þá verður þér hent aftur í fangaklefann og átt á hættu að missa höfuðið.Nú voru góð ráð dýr. Lísu var eins og gefur að skilja mikið í mun að halda höfðinu og nú reyndi víst heldur betur á að nota það. Lísa vill leita til lesenda Vísindavefsins um hjálp við að leysa gátuna og halda þannig í höfuðið. Hversu mörg skref þarf Lísa að taka til þess að komast út um dyrnar?
Rétt svar ásamt nöfnum þeirra sem sendu inn réttar lausnir hefur nú verið birt hér.
Mynd: Mostfamousman.com
