Í heila okkar er eitthvað sem heitir á fræðimáli corpus callosum, hvað er það?

Nafn þitt

Netfang þitt

Netfang móttakanda

Ruslpóstvörn =

Svar

Í heila okkar er eitthvað sem heitir á fræðimáli corpus callosum, hvað er það?
Það sem kallast corpus callosum á fræðimáli eru hvelatengsl á íslensku.

Í heilanum á okkur eru tveir helmingar sem kallast vinstra og hægra heilahvel (e. hemisphere). Hvort hvel um sig stjórnar andstæðum hluta líkamans. Hægra heilahvelið sendir til dæmis hreyfiboð til vinstri hluta líkamans. Boð frá skynfærum berast einnig fyrst til andstæðs heilahvels. Sjónboð frá vinstra sjónsviði berast fyrst til hægra heilahvels.

Heilahvelin vinna þó ekki sitt í hvoru lagi heldur senda þau skilaboð sín á milli. Skilaboðin fara um hvelatengslin. Tengslin eru gerð úr svonefndri heilahvítu sem er mynduð úr mýldum taugaþráðum en um þá er hægt að lesa meira í svari Þuríðar Þorbjarnardóttur við spurningunni Hvað getið þið sagt mér um myndun og mikilvægi mýlis?

Heimild:

• Hvað fer fram í vinstra heilahveli og hvað fer fram í því hægra? eftir Þuríði Þorbjarnardóttur og Heiðu Maríu Sigurðardóttur

...