Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Orðasambandið að hleypa í brýnnar er notað um að láta í ljós óánægju eða reiði með því að draga saman augabrúnirnar. Einnig er talað um að hleypa brúnum í sömu merkingu.
Ýmsar aðrar sagnir eru notaðar til að lýsa óánægju eða reiði með einhvers konar augngrettum. Vel er þekkt að yggla brýnnar og setja í brýnnar og eins að láta síga í brýnnar. Eldra og minna þekkt er að bretta brún eða bretta brýnnar.
Í heimild frá 17. öld í seðlasafni Orðabókar Háskólans segir til dæmis: ,,Ungdómurinn ... brettir brún og bregður grön, hversu lítið sem ei fellur að skapi“. Að bregða grön merkir að ‘geifla varirnar (í þrjóskugrettu eða glotti)’.
Að hvessa brýnnar er einnig notað um að láta í ljós óánægju og sömuleiðis að hrukka brýnnar. Ef einhverjum síga brýnnar er hann reiður eða óánægður með eitthvað og það er einnig sá sem lætur síga brún á nef.
Frekara lesefni og mynd
Guðrún Kvaran. „Hver er merkingin á bak við orðatiltækið ‘að hleypa í brýnnar’?“ Vísindavefurinn, 1. júlí 2006, sótt 2. apríl 2025, https://visindavefur.is/svar.php?id=6042.
Guðrún Kvaran. (2006, 1. júlí). Hver er merkingin á bak við orðatiltækið ‘að hleypa í brýnnar’? Vísindavefurinn. https://visindavefur.is/svar.php?id=6042
Guðrún Kvaran. „Hver er merkingin á bak við orðatiltækið ‘að hleypa í brýnnar’?“ Vísindavefurinn. 1. júl. 2006. Vefsíða. 2. apr. 2025. <https://visindavefur.is/svar.php?id=6042>.
Sólin
Rís 06:41 • sest 20:23
Tunglið
Rís 05:00 • Sest 04:51
Flóð
Árdegis: 08:59 • Síðdegis: 21:23
Fjara
Árdegis: 02:51 • Síðdegis: 15:06
Orðasambandið að hleypa í brýnnar er notað um að láta í ljós óánægju eða reiði með því að draga saman augabrúnirnar. Einnig er talað um að hleypa brúnum í sömu merkingu.
Ýmsar aðrar sagnir eru notaðar til að lýsa óánægju eða reiði með einhvers konar augngrettum. Vel er þekkt að yggla brýnnar og setja í brýnnar og eins að láta síga í brýnnar. Eldra og minna þekkt er að bretta brún eða bretta brýnnar.
Í heimild frá 17. öld í seðlasafni Orðabókar Háskólans segir til dæmis: ,,Ungdómurinn ... brettir brún og bregður grön, hversu lítið sem ei fellur að skapi“. Að bregða grön merkir að ‘geifla varirnar (í þrjóskugrettu eða glotti)’.
Að hvessa brýnnar er einnig notað um að láta í ljós óánægju og sömuleiðis að hrukka brýnnar. Ef einhverjum síga brýnnar er hann reiður eða óánægður með eitthvað og það er einnig sá sem lætur síga brún á nef.
Frekara lesefni og mynd
