Heimili mitt er undirlagt af erjum vegna málfarsdeilna og því langar mig að vita hvort orðið 'harðsvífinn' sé til?

Nafn þitt

Netfang þitt

Netfang móttakanda

Ruslpóstvörn =

Svar

Heimili mitt er undirlagt af erjum vegna málfarsdeilna og því langar mig að vita hvort orðið 'harðsvífinn' sé til?
Í söfnum Orðabókar Háskólans finnast engin dæmi um lýsingarorðið harðsvífinn. Leitað var í Ritmálssafni með dæmum úr prentuðum bókum, Talmálssafni og Textasafni með dæmum úr blöðum og bókum á tölvutæku formi. Líklegt er að slegið hafi verið saman orðunum harðsvíraður ‛harður, forhertur’ og ósvífinn ‛óskammfeilinn, frekur, blygðunarlaus’ og myndað nýtt lýsingarorð. Bæði hin orðin eru gömul í málinu.

Harðsvífinn glæpamaður?

Sé aftur á móti leitað í leitarvélinni Google koma fram allnokkur dæmi um notkun orðsins harðsvífinn í sömu merkingu og ósvífinn sem bendir til þess að það sé eitthvað notað í yngsta máli. Við leit í timarit.is fannst elst dæmi úr Morgunblaðinu frá níunda áratug síðustu aldar.

Mynd:

• Criminal Lawyer Sacramento. Sótt 7.7.2011.

Upprunalega spurningin hljóðaði svo:

Nú er svo komið að heimili mitt er undirlagt af erjum vegna málfarsdeilna.

Maðurinn minn vill meina að harðsvífinn sé orð. Ég vil meina að það sé ekki til og að hann sé að rugla saman við orðin harðsvíraður og ósvífinn.

Við biðjum um að úr þessu verði skorið þar sem öll tengdafjölskyldan er sammála honum en minn helmingur fjölskyldunnar sammála mér.

...