Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Litir hluta ráðast að miklu leyti af því hvaða bylgjulengdum ljóss þeir endurvarpa; bláir hlutir hafa þann lit af því að þeir endurvarpa ljósi sem við köllum blátt og svo framvegis. Ef hluturinn er gagnsær eins og lofthjúpurinn getur liturinn líka ráðist af því hvaða ljósi hann hleypir gegnum sig.
Ljósið frá sólinni er hvítt og inniheldur því allar bylgjulengdir eða liti, til dæmis bæði rautt og blátt. Þegar hvíta ljósið berst inn í lofthjúp jarðar dreifist bláa ljósið meira en annað ljós í því, til dæmis rautt. Þessi ljósdreifing veldur því að meira af bláu ljósi berst augum okkar þegar við horfum upp í himinninn, sem aftur hefur þau áhrif að okkur finnst himinninn vera blár.
Sama ástæða er til þess að „fjarlægðin gerir fjöllin blá“. Þegar við horfum á fjall sem er til dæmis meira en 10 km í burtu, þá erum við að horfa gegnum þykkt lag af lofti. Þetta loftlag dreifir líka bláa ljósinu frá sólinni, alveg eins og þegar við horfum til himins, og hluti af dreifða ljósinu berst inn í augu okkar. Þannig eru það í rauninni ekki fjöllin sem eru blá heldur loftið milli okkar og þeirra. Fjöllin verða jafnvel ennþá blárri þegar veður er skýjað því að þá skín eingöngu blátt ljós á þau og lýsir þau upp.
Þegar sólin er að koma upp eða setjast og við horfum í átt til hennar, þá hefur ljósið frá henni farið enn lengri leið en venjulega gegnum lofthjúpinn af því að það fellur mjög á ská. Ljósið tapar því enn meiru af bláu en venjulega og verður því enn rauðara en yfir hádaginn. Skýringin á morgunroða og kvöldroða er því hin sama og á himinblámanum.
Nánari útskýringu má lesa í ítarlegu svari Ara Ólafssonar við spurningunni Af hverju er himinninn blár?Mynd:Customize.ru.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
