Hvað getur maður lifað lengi á blautu grasi?

Nafn þitt

Netfang þitt

Netfang móttakanda

Ruslpóstvörn =

Svar

Hvað getur maður lifað lengi á blautu grasi?
Við skiljum spurninguna svo að hér sé átt við að maðurinn borði blautt gras en einnig væri hægt að skilja hana á þann veg að spyrjandi vilji fá að vita hversu lengi maður geti legið eða staðið á blautu grasi. Það væri væntanlega hægt að lifa ansi lengi þannig, alveg jafn lengi og ef menn stæðu inni í skrifstofu eða skólastofu, að minnsta kosti ef maður fengi einhverja næringu.

Orkan sem við fáum úr jurtum er aðallega í formi sterkju sem er forðasykra plöntunnar. Aðalbyggingarefni og uppistaða í frumuveggjum planta er hins vegar beðmi sem einnig kallast sellulósi. Meltingarensímin okkar ráða ekki við að melta það og við getum þess vegna ekki nýtt okkur sellulósa sem næringu.

Í grasi er nær eingöngu ómeltanlegur sellulósi og þess vegna gætum við ekki lifað á grasi einu saman. Sterkju í jurtaríkinu er frekar að finna í ávöxtum og rótum planta.

Ef við hefðum eingöngu blautt gras til að nærast á gætum við þess vegna lifað álíka lengi og þeir sem hafa ekkert að nærast á nema vatn. Þannig er að vísu hægt að þrauka nokkuð lengi en að vísu fer það eftir því í hvers konar líkamlegu ástandi menn eru. Við mælum alls ekki með því að menn reyni að lifa á blautu grasi þar sem fljótlega færi að gera vart við sig skortur á ýmsum næringarefnum.

Hægt er að fræðast meira um þetta efni í svari eftir Björn Sigurð Gunnarsson við spurningunni Getum við lifað á hundasúrum, grasi og öðru slíku eins og hestarnir og kýrnar? en þetta svar byggir á því.

Mynd:

• Grass Sculpture | Flickr - Photo Sharing!. (Sótt 22.08.2013).

...