Hvenær er líklegast að lóan komi til landsins?

Nafn þitt

Netfang þitt

Netfang móttakanda

Ruslpóstvörn =

Svar

Hvenær er líklegast að lóan komi til landsins?
Heiðlóan (Pluvialis apricaria) er í hugum margra Íslendinga hinn eini sanni vorboði og telst það ætíð fréttnæmt þegar hún sést hér fyrst á vorin. Árið 2006, sáust fyrstu lóurnar þann 25. mars.

Yann Kolbeinsson líffræðingur hefur safnað í gagnagrunn ýmsu sem snýr að fuglum, meðal annars dagsetningum á komu fyrstu farfuglanna hingað til lands. Samkvæmt upplýsingum hans voru fyrstu tilkynningar um komu lóunnar hingað til lands árin 1998-2005 eftirfarandi:

Ár	Dagsetning
1998	26. mars
1999	29. mars
2000	24. mars
2001	31. mars
2002	24. mars
2003	24. mars
2004	24. mars
2005	20. mars

„Meðaltal“ þessara dagsetninga er 25. mars og því freistandi þegar verið er að spá fyrir um komu lóunnar að giska á þann dag eins og raunin var nú í ár. Tíðasta gildi fyrir þessi ár er hins vegar 24. mars og það er því dagsetning sem einnig er gott að giska á. Með nokkru öryggi má spá því að það muni sjást fyrst til lóunnar á tímabilinu 20. - 31. mars ár hvert.

Þess má að lokum geta að meirihluti þeirra heiðlóa sem dvelja hér á landi yfir sumarið koma á tímabilinu 1.-20. apríl ár hvert.

Höfundur þakkar Jóhanni Óla Hilmarssyni fyrir aðstoð við upplýsingaöflun.

Mynd:

• Aves.is. (Sótt 29.3.2006).

...