Er húsaköngulóin sérstök tegund og finnst hún ekki utandyra?

Nafn þitt

Netfang þitt

Netfang móttakanda

Ruslpóstvörn =

Svar

Er húsaköngulóin sérstök tegund og finnst hún ekki utandyra?
Talið er að 89 tegundir köngulóa tilheyri hinni íslensku fánu. Þar af eru líklega sjö tegundir sem einungis finnast innanhúss. Ein þeirra tegunda sem aðeins lifir innanhúss er húsakönguló eða Tegenaria domestica á fræðimáli. Þekktir fundarstaðir eru aðallega á höfuðborgarsvæðinu en samkvæmt riti Inga Agnarssonar, Íslenskar köngulær hafa köngulærnar einnig fundist í gömlum húsum á Norðurlandi, meðal annars í Mývatnssveit og við Eyjafjörð en einnig á vestanverðu landinu. Líklega finnast húsaköngulær um land allt.

Húsaköngulóin hreiðrar um sig í ró og næði og spinnur stóra og trektlaga vefi í dimmum skúmaskotum í kjöllurum, geymslum og háaloftum þar sem lítil umgengni er. Yfirleitt líkar fólki illa við húsaköngulær enda eru þær stórar á íslenskan mælikvarða. Gagnsemi þeirra er hins vegar mikil þar sem þær veiða ýmis smádýr.

Húsakönguló (Tegenaria domestica).
Húsakönguló hefur ekki fundist utanhúss. Sennilega eru hún ein af nokkrum landhryggleysingjum sem aðeins finnast í híbýlum hér á landi.

Heimildir og mynd:

• Ingi Agnarsson 1996. Íslenskar köngulær. Fjölrit Náttúrufræðistofnunar 31.
• Köngulær (Araneae): Náttúrfræðistofnun Íslands.
• Pöddur í húsum: Náttúrufræðistofnun Íslands.

...