Vísindavefurinn: Hverjar eru líkurnar á því að flatfiskurinn silfurbrami verði algengari við Íslandsstrendur í náinni framtíð?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Silfurbrami (Pterycombus brama) er fiskur af bramaætt (Bramidae). Innan íslensku fiskveiðilögsögunnar hafa veiðst þrjár tegundir af þessari ætt og er stóri bramafiskur (Brama brama) algengastur. Heildaraflinn er þó ekki mikill, aðeins fáein tonn hin síðari ár.

Silfurbrami (Pterycombus brama).

Fiskar af þessari ætt eru frekar stórir, hávaxnir og þunnvaxnir, hafa meðalstórt hreistur og gaddalausa ugga. Bramafiskar eru miðsævis- og úthafsfiskar heitra og tempraðra hafa en slæðast stundum norður á bóginn. Í riti Gunnars Jónssonar fiskifræðings, Íslenskir fiskar sem kom út árið 1983, segir hann að silfurbrama hafi orðið vart í tvígang við Ísland, fyrst við Vestmannaeyjar sumarið 1960 og síðar suðaustur af Hópsnesi við Grindavík í júní 1967. Að sögn fisksala hefur silfurbrami fengist nokkrum sinnum á handfæri á þessari öld og því orðinn nokkuð algengari í veiðarfærum íslenskra sjómanna en á nýliðinni öld.

Hversu algengur hann verður er ekki hægt að segja á þessari stundu en það eru þó einhverjar líkur á því að hann komi til með að veiðast meira í framtíðinni. Þegar útbreiðslukort (sjá hér að neðan) er skoðað sést glögglega að útbreiðsla hans er djúpt suður af landinu. Ýmsar rannsóknir hafa sýnt að suðlægari tegundir hafa fært sig norðar eftir því sem heimshöfin hafa hlýnað. Ef fram fer sem horfir með hlýnun sjávar eru líkur á að silfurbraminn færi sig einnig norðar og verði algengari á miðunum hér við land. Hvenær þetta gæti gerst er hins vegar óvíst.

Útbreiðsla silfurbrama. Eftir því sem fiskurinn er algengari er liturinn dekkri.

Heimild og myndir:

Gunnar Jónsson. Íslenskir fiskar. Reykjavík, Fjölvi, 1983.
Myndir: FishBase. Sóttar 23. 12. 2009.

Spurningin í heild sinni hljóðaði svona:

Hverjar eru líkurnar á því að hinn fágæti en gómsæti flatfiskur silfurbrami verði algengari við Íslandsstrendur í náinni framtíð?

Senda grein til vinar

Sendu inn spurningu

Hverjar eru líkurnar á því að flatfiskurinn silfurbrami verði algengari við Íslandsstrendur í náinni framtíð?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Hverjar eru líkurnar á því að flatfiskurinn silfurbrami verði algengari við Íslandsstrendur í náinni framtíð?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar