Er kók gott fyrir magann þegar maður er með ælupest?

Nafn þitt

Netfang þitt

Netfang móttakanda

Ruslpóstvörn =

Svar

Er kók gott fyrir magann þegar maður er með ælupest?
Það er vel þekkt ráð við gubbupest að drekka gos, kók er mjög gjarnan nefnt en sprite er einnig þekkt. Þetta ráð er ekki séríslenskt fyrirbæri því ef leitað er á Netinu má víða sjá að mælt er með gosdrykkju við ælupest. Þar er reyndar gjarnan mælt með goslausum drykkjum, en einnig kóki og sprite auk þess sem engiferöl (e. ginger ale) er oft nefnt til sögunnar.

Ekki eru til neinar læknisfræðilegar rannsóknir sem styðja þetta ráð. Vísindamenn í Bretlandi gerðu könnun á því hvort hægt væri að finna greinar í gagnagrunnum um læknisfræðileg efni frá 1950 til 2007 sem styddu það að gos væri gott við ælupest. Í stuttu máli fundu þeir engar vísindalegar rannsóknir sem gáfu til kynna að æskilegt væri að drekka gos við gubbupest, og í raun væri ekki rétt að mæla með gosdrykkjum við þessar aðstæður, meðal annars vegna mikils sykurinnihalds.

Á heimasíðu Barnaspítala Hringsins er að finna leiðbeiningar og ráð við uppköstum og niðurgangi hjá börnum. Þar er ráðlagt að sleppa bæði gosi og ávaxtasafa við magapestum.

Það er gaman að velta fyrir sér hvers vegna gosdrykkir hafa verið taldir góðir við gubbupest. Kannski hefur þetta frekar verið fyrir sálina en magann, sérstaklega áður fyrr þegar gosdrykkir voru ekki á hvers manns borði alla daga vikunnar eins og nú er, heldur aðeins í boði við sérstök tilefni.

Heimildir og mynd:

• Ashley Reece og Michelle Jacobs. Does drinking "flat" cola prevent dehydration in children with acute gastroenteritis? Archives of Disease in Childhood. 27 maí 2008. Skoðað 29. maí 2009.
• Anahad O’Connor. The Claim: Drinking Flat Soda Can Ease an Upset Stomach. The New York Times. 3. júní 2008. Skoðað 29. maí 2009.
• Niðurgangsfæði. Barnaspítali Hringsins. Skoðað 29. maí 2009.
• BBC News. Sótt 4.6.2009.

...