Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Hugvísindi Málvísindi: almennt Er piparminta búin til úr mintu og pipar? Ef það er enginn pipar í henni af hverju heitir hún þá piparminta?

Flokkun:

6.1.2011
Hugvísindi Málvísindi: almennt
Náttúruvísindi og verkfræði Lífvísindi: almennt

Er piparminta búin til úr mintu og pipar? Ef það er enginn pipar í henni af hverju heitir hún þá piparminta?

JGÞ

Piparminta er kryddjurt af svonefndri varablómaætt. Á fræðimáli kallast hún Mentha x piperita. Piparminta er blendingur tveggja mintutegunda, Mentha aquatica og Mentha spicata. Orðið piparminta er líka notað um sælgætistöflur með piparmintubragði en jurtin er oft notuð til að gefa sælgæti, ís, tyggjói og tannkremi bragð, svo nokkur dæmi séu nefnd.

Pipar er ber piparjurtarinnar sem kallast Piper nigrum á fræðimáli. Piparjurt er klifurplanta af piparætt. Berin eru þurrkuð og notuð sem bragðsterkt krydd.


Piparminta er jurt af svonefndri varablómaætt.

Piparminta er þess vegna ekki búin til úr mintu og pipar heldur er hún sérstök jurt sem ber sama nafn og piparinn. Á latínu er nafnið þó ekki alveg eins. Fyrra nafn piparsins er Piper og hið seinna nigrum sem merkir svartur. Seinna heiti mintunnar er piperita, en endingin -ita er smækkunarending. Í spænsku er orðið planta til dæmis notað um plöntu en plantita um litla plöntu. Bein þýðing á latnesku heiti piparmintunnar gæti verið ,,litli mintupiparinn". Vel má hugsa sér að nafngiftin sé tilkomin vegna þess að piparmintan er bragðsterk, líkt og piparinn, þótt hún sé öðruvísi á bragðið.

Þess má líka geta að mintu-heitið er komið úr grísku. Plútó sem var guð undirheimanna átti að hafa orðið ástfanginn af dísinni Minthe og breytt henni í jurtina. Í íslensku er minta upprunalegri mynd, mynta með y-i er talið vera áhrif úr dönsku.

Heimildir:

Mynd:

Höfundur

Jón Gunnar Þorsteinsson

JGÞ

Útgáfudagur

6.1.2011

Spyrjandi

Mímir Kristínarson Mixa, f. 2003, Jón M.

Efnisorð

Tilvísun

JGÞ. „Er piparminta búin til úr mintu og pipar? Ef það er enginn pipar í henni af hverju heitir hún þá piparminta?“ Vísindavefurinn, 6. janúar 2011, sótt 21. nóvember 2024, https://visindavefur.is/svar.php?id=52591.

JGÞ. (2011, 6. janúar). Er piparminta búin til úr mintu og pipar? Ef það er enginn pipar í henni af hverju heitir hún þá piparminta? Vísindavefurinn. https://visindavefur.is/svar.php?id=52591

JGÞ. „Er piparminta búin til úr mintu og pipar? Ef það er enginn pipar í henni af hverju heitir hún þá piparminta?“ Vísindavefurinn. 6. jan. 2011. Vefsíða. 21. nóv. 2024. <https://visindavefur.is/svar.php?id=52591>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Er piparminta búin til úr mintu og pipar? Ef það er enginn pipar í henni af hverju heitir hún þá piparminta?
Piparminta er kryddjurt af svonefndri varablómaætt. Á fræðimáli kallast hún Mentha x piperita. Piparminta er blendingur tveggja mintutegunda, Mentha aquatica og Mentha spicata. Orðið piparminta er líka notað um sælgætistöflur með piparmintubragði en jurtin er oft notuð til að gefa sælgæti, ís, tyggjói og tannkremi bragð, svo nokkur dæmi séu nefnd.

Pipar er ber piparjurtarinnar sem kallast Piper nigrum á fræðimáli. Piparjurt er klifurplanta af piparætt. Berin eru þurrkuð og notuð sem bragðsterkt krydd.


Piparminta er jurt af svonefndri varablómaætt.

Piparminta er þess vegna ekki búin til úr mintu og pipar heldur er hún sérstök jurt sem ber sama nafn og piparinn. Á latínu er nafnið þó ekki alveg eins. Fyrra nafn piparsins er Piper og hið seinna nigrum sem merkir svartur. Seinna heiti mintunnar er piperita, en endingin -ita er smækkunarending. Í spænsku er orðið planta til dæmis notað um plöntu en plantita um litla plöntu. Bein þýðing á latnesku heiti piparmintunnar gæti verið ,,litli mintupiparinn". Vel má hugsa sér að nafngiftin sé tilkomin vegna þess að piparmintan er bragðsterk, líkt og piparinn, þótt hún sé öðruvísi á bragðið.

Þess má líka geta að mintu-heitið er komið úr grísku. Plútó sem var guð undirheimanna átti að hafa orðið ástfanginn af dísinni Minthe og breytt henni í jurtina. Í íslensku er minta upprunalegri mynd, mynta með y-i er talið vera áhrif úr dönsku.

Heimildir:

Mynd:...