Vísindavefurinn: Getið þið sagt mér eitthvað um gríska goðið Hades?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Gríska goðið Hades var sonur risanna Krónosar og Rheu. Bræður hans voru Seifur og Pósedon, og saman deildu þeir heiminum á milli sín. Seifur ríkti yfir himninum, Pósedon var guð hafsins en Hades guð undirheima og dauða. Hjá Rómverjum gekk Hades undir nafninu Plútó.

Kona Hadesar var Persefóna, dóttir systkinanna Seifs og Demetru sem var gyðja korns, jarðar og uppskeru. Persefóna fluttist ekki sjálfviljug til undirheima heldur rændi Hades henni og flutti í ríki sitt.

Hades og Persefóna.

Þegar Demetra frétti hvað orðið hafði af dóttur sinni varð hún ævareið. Svo mikil var reiði hennar að stormar geisuðu um alla jörðina, ár þornuðu upp, vötn urðu ísilögð og uppskera brast. Við svo mátti ekki búa og með milligöngu Seifs náðust samningar um að Persefóna væri hluta ársins í undirheimum hjá Hadesi og hluta ársins á jörðinni hjá móður sinni. Sagan segir að þegar Persefóna dvelji hjá Hadesi sé veröldin köld og dimm en þegar hún komi til móður sinnar lifni allt til lífsins á ný.

Á Vísindavefnum er að finna fleiri svör um gríska goðafræði, til dæmis:

Hver eru kennitákn grísku goðanna? eftir Ulriku Andersson.
Hvaða rómversku guðir samsvöruðu ekki forngrísku guðunum? eftir Unnar Árnason.
Hver er sagan á bak við hinn gríska þurs Argos? eftir Jón Gunnar Þorsteinsson.
Hver var Afródíta? eftir Jóhann Bjarka Arnarsson Hall.
Hver var Pandóra, og hver er sagan á bak við öskjuna hennar? eftir Jórunni Pálu Jónasdóttur og Valgerði Sigurðardóttur.
Hver var sólguðinn Helíos? eftir Helgu Sverrisdóttur og Ulriku Andersson.

Heimildir og mynd:

Hades. Encyclopædia Britannica. Sótt af Encyclopædia Britannica Online í júní 2005, .
Gunnar Dal, 2001. Grískar goðsögur sagðar af Gunnari Dal. Reykjavík, Nýja bókafélagið.

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2005.

Senda grein til vinar

Sendu inn spurningu

Getið þið sagt mér eitthvað um gríska goðið Hades?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Getið þið sagt mér eitthvað um gríska goðið Hades?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar