Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Dragbítur er nagli eða tréflís sem stendur niður úr sleðameið sem farinn er að slitna, eða niður úr kjöldragi á skipi. Þessi nagli eða flís gerir það að verkum að sleðinn rennur illa í snjó eða báturinn á hlunnum þegar verið er að ýta honum á flot eða draga hann á land. Um þessa merkingu á Orðabók Háskólans elst dæmi frá miðri 19. öld.
Nagli eða tréflís sem stendur niður úr sleðameið kallast dragbítur.
Af þessari merkingu er leidd önnur sem algengari er í daglegu máli. Þá er dragbítur einhver maður, eða hópur manna, eða jafnvel stofnun sem hamlar framförum, stendur í vegi fyrir nauðsynlegu verki. Þá er talað um að þeir hinir sömu séu dragbítar á framkvæmdir, eðlileg viðskipti, þróun, hagvöxt svo eitthvað sé nefnt. Hugsunin er hin sama. Eitthvað truflar eðlilegan gang eins og naglinn sleðann eða bátinn.
Spurningin í heild sinni hljóðaði svona:
Ágæta ritstjórn. Stundum er sagt að eitthvað sé dragbítur, til dæmis á framgang máls eða einhverja framvindu. Hvað er dragbítur?
Sólin
Rís 10:26 • sest 16:02
Tunglið
Rís 01:04 • Sest 15:19
Flóð
Árdegis: 01:05 • Síðdegis: 13:31
Fjara
Árdegis: 07:12 • Síðdegis: 20:04
