Hvað gerist ef tvö svarthol mætast?

Nafn þitt

Netfang þitt

Netfang móttakanda

Ruslpóstvörn =

Svar

Hvað gerist ef tvö svarthol mætast?
Þegar tvö svarthol mætast veltur það á brautum þeirra og massa hvort þau ná að sameinast. Stundum gerist það þegar eitt svarthol mætir öðru að annað svartholanna eða bæði þeytast í burtu frá staðnum þar sem þau mættust.

Þegar tvö svarthol ná að renna saman myndast einfaldlega ennþá stærra svarthol. Þar sem þau senda ekki frá sér ljós þá sést enginn blossi þegar sjálf svartholin sameinast. Samruninn getur hins vegar valdið þéttingu gasskýja í nágrenni svartholanna sem hitna og senda frá sér orkuríka röntgengeisla. Samkvæmt afstæðiskenningu Einsteins ætti samruni svarthola að geta framkallað þyngdarbylgjur í tímarúminu.

Mynd af vetrarbrautinni NGC 326 þar sem tvö risasvarthol sveima hvort í kringum annað eftir samruna tveggja vetrarbrauta.

Hægt er að lesa meira um svarthol og þyngdarbylgjur í svörum við spurningunum:

• Hvað er svarthol?
• Hversu hratt breiðast áhrif þyngdarafls út?

Aðrir spyrjendur voru:

Helgi Már Valdimarsson, Oddur Vilhjálmsson, Henrik Garcia, Árni Kristjánsson, Daníel Bjarkason og Ríkharður Helgason.

Mynd:

National Radio Astronomy Observatory

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur

...